๑๐๐-๗. สรณทุก-จูฬนฺตรทุกํ

๖๗. นสรโณ นสปฺปจฺจโย ธมฺโม อรณสฺส สปฺปจฺจยสฺส ธมฺมสฺส อารมฺมณปจฺจเยน ปจฺจโย. อารมฺมเณ เอกํ.

๖๘. นสรโณ นสงฺขโต ธมฺโม… (สํขิตฺตํ).

๖๙. นสรณํ นสนิทสฺสนํ ธมฺมํ ปฏิจฺจ อรโณ สนิทสฺสโน ธมฺโม อุปฺปชฺชติ เหตุปจฺจยา… เหตุยา ตีณิ.

นสรโณ นอนิทสฺสโน ธมฺโม สรณสฺส อนิทสฺสนสฺส ธมฺมสฺส อารมฺมณปจฺจเยน ปจฺจโย. นสรโณ นอนิทสฺสโน ธมฺโม อรณสฺส อนิทสฺสนสฺส ธมฺมสฺส อารมฺมณปจฺจเยน ปจฺจโย. อารมฺมเณ เทฺว.

๗๐. นสรณํ นสปฺปฏิฆํ ธมฺมํ ปฏิจฺจ อรโณ สปฺปฏิโฆ ธมฺโม อุปฺปชฺชติ เหตุปจฺจยา… เหตุยา ตีณิ.

๗๑. นสรณํ นรูปึ ธมฺมํ ปฏิจฺจ อรโณ รูปี ธมฺโม อุปฺปชฺชติ เหตุปจฺจยา. นอรณํ นรูปึ ธมฺมํ ปฏิจฺจ อรโณ รูปี ธมฺโม อุปฺปชฺชติ เหตุปจฺจยา. เหตุยา เทฺว.

นสรณํ นอรูปึ ธมฺมํ ปจฺจยา สรโณ อรูปี ธมฺโม อุปฺปชฺชติ เหตุปจฺจยา. นสรณํ นอรูปึ ธมฺมํ ปจฺจยา อรโณ อรูปี ธมฺโม อุปฺปชฺชติ เหตุปจฺจยา. เหตุยา เทฺว.

๗๒. นสรณํ นโลกิยํ ธมฺมํ ปฏิจฺจ อรโณ โลกิโย ธมฺโม อุปฺปชฺชติ เหตุปจฺจยา. เหตุยา เอกํ.

นสรณํ นโลกุตฺตรํ ธมฺมํ ปจฺจยา อรโณ โลกุตฺตโร ธมฺโม อุปฺปชฺชติ เหตุปจฺจยา. เหตุยา เอกํ.

๗๓. นสรณํ นเกนจิ วิญฺเญยฺยํ ธมฺมํ ปฏิจฺจ อรโณ เกนจิ วิญฺเญยฺโย ธมฺโม อุปฺปชฺชติ เหตุปจฺจยา… เหตุยา ปญฺจ.

นสรณํ นเกนจิ นวิญฺเญยฺยํ ธมฺมํ ปฏิจฺจ อรโณ เกนจิ นวิญฺเญยฺโย ธมฺโม อุปฺปชฺชติ เหตุปจฺจยา… เหตุยา ปญฺจ.