๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๑. เหตุํ สเหตุกํ ธมฺมํ ปฏิจฺจ เหตุ สเหตุโก ธมฺโม อุปฺปชฺชติ เหตุปจฺจยา. เหตุํ สเหตุกํ ธมฺมํ ปฏิจฺจ นเหตุ สเหตุโก ธมฺโม อุปฺปชฺชติ เหตุปจฺจยา. เหตุํ สเหตุกํ ธมฺมํ ปฏิจฺจ เหตุ สเหตุโก จ นเหตุ สเหตุโก จ ธมฺมา อุปฺปชฺชนฺติ เหตุปจฺจยา. (๓)

๒. นเหตุํ สเหตุกํ ธมฺมํ ปฏิจฺจ นเหตุ สเหตุโก ธมฺโม อุปฺปชฺชติ เหตุปจฺจยา. นเหตุํ สเหตุกํ ธมฺมํ ปฏิจฺจ เหตุ สเหตุโก ธมฺโม อุปฺปชฺชติ เหตุปจฺจยา. นเหตุํ สเหตุกํ ธมฺมํ ปฏิจฺจ เหตุ สเหตุโก จ นเหตุ สเหตุโก จ ธมฺมา อุปฺปชฺชนฺติ เหตุปจฺจยา. (๓)

๓. เหตุํ สเหตุกญฺจ นเหตุํ สเหตุกญฺจ ธมฺมํ ปฏิจฺจ เหตุ สเหตุโก ธมฺโม อุปฺปชฺชติ เหตุปจฺจยา. เหตุํ สเหตุกญฺจ นเหตุํ สเหตุกญฺจ ธมฺมํ ปฏิจฺจ นเหตุ สเหตุโก ธมฺโม อุปฺปชฺชติ เหตุปจฺจยา. เหตุํ สเหตุกญฺจ นเหตุํ สเหตุกญฺจ ธมฺมํ ปฏิจฺจ เหตุ สเหตุโก จ นเหตุ สเหตุโก จ ธมฺมา อุปฺปชฺชนฺติ เหตุปจฺจยา. (๓)

๔. เหตุยา นว, อารมฺมเณ นว…เป… อวิคเต นว. (สํขิตฺตํ.)

ปจฺจนียํ

นอธิปติปจฺจโย

๕. เหตุํ สเหตุกํ ธมฺมํ ปฏิจฺจ เหตุ สเหตุโก ธมฺโม อุปฺปชฺชติ นอธิปติปจฺจยา. (สํขิตฺตํ.)

นอธิปติยา นว, นปุเรชาเต นว, นปจฺฉาชาเต นว, นกมฺเม ตีณิ, นวิปาเก นว, นวิปฺปยุตฺเต นว. (สํขิตฺตํ.)

เหตุปจฺจยา นอธิปติยา นว. (สํขิตฺตํ.)

นอธิปติปจฺจยา เหตุยา นว. (สํขิตฺตํ.)

(สหชาตวารมฺปิ ปจฺจยวารมฺปิ นิสฺสยวารมฺปิ สํสฏฺฐวารมฺปิ สมฺปยุตฺตวารมฺปิ ปฏิจฺจวารสทิสํ.)

เหตุ-อารมฺมณปจฺจยา

๖. เหตุ สเหตุโก ธมฺโม เหตุสฺส สเหตุกสฺส ธมฺมสฺส เหตุปจฺจเยน ปจฺจโย. เหตุ สเหตุโก ธมฺโม นเหตุสฺส สเหตุกสฺส ธมฺมสฺส เหตุปจฺจเยน ปจฺจโย. เหตุ สเหตุโก ธมฺโม เหตุสฺส สเหตุกสฺส จ นเหตุสฺส สเหตุกสฺส จ ธมฺมสฺส เหตุปจฺจเยน ปจฺจโย. (๓)

๗. เหตุ สเหตุโก ธมฺโม เหตุสฺส สเหตุกสฺส ธมฺมสฺส อารมฺมณปจฺจเยน ปจฺจโย. เหตุ สเหตุโก ธมฺโม นเหตุสฺส สเหตุกสฺส ธมฺมสฺส อารมฺมณปจฺจเยน ปจฺจโย. เหตุ สเหตุโก ธมฺโม เหตุสฺส สเหตุกสฺส จ นเหตุสฺส สเหตุกสฺส จ ธมฺมสฺส อารมฺมณปจฺจเยน ปจฺจโย. (๓)

นเหตุ สเหตุโก ธมฺโม นเหตุสฺส สเหตุกสฺส ธมฺมสฺส อารมฺมณปจฺจเยน ปจฺจโย. นเหตุ สเหตุโก ธมฺโม เหตุสฺส สเหตุกสฺส ธมฺมสฺส อารมฺมณปจฺจเยน ปจฺจโย. นเหตุ สเหตุโก ธมฺโม เหตุสฺส สเหตุกสฺส จ นเหตุสฺส สเหตุกสฺส จ ธมฺมสฺส อารมฺมณปจฺจเยน ปจฺจโย. (๓)

เหตุ สเหตุโก จ นเหตุ สเหตุโก จ ธมฺมา เหตุสฺส สเหตุกสฺส ธมฺมสฺส อารมฺมณปจฺจเยน ปจฺจโย. เหตุ สเหตุโก จ นเหตุ สเหตุโก จ ธมฺมา นเหตุสฺส สเหตุกสฺส ธมฺมสฺส อารมฺมณปจฺจเยน ปจฺจโย. เหตุ สเหตุโก จ นเหตุ สเหตุโก จ ธมฺมา เหตุสฺส สเหตุกสฺส จ นเหตุสฺส สเหตุกสฺส จ ธมฺมสฺส อารมฺมณปจฺจเยน ปจฺจโย. (๓) (สํขิตฺตํ.)

๘. เหตุยา ตีณิ, อารมฺมเณ นว…เป… อุปนิสฺสเย นว อวิคเต นว. (สํขิตฺตํ.)

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)

อเหตุกปทํ

ปจฺจยจตุกฺกํ

๙. เหตุํ อเหตุกํ ธมฺมํ ปฏิจฺจ นเหตุ อเหตุโก ธมฺโม อุปฺปชฺชติ เหตุปจฺจยา. (๑)

นเหตุํ อเหตุกํ ธมฺมํ ปฏิจฺจ นเหตุ อเหตุโก ธมฺโม อุปฺปชฺชติ เหตุปจฺจยา. (๑)

เหตุํ อเหตุกญฺจ นเหตุํ อเหตุกญฺจ ธมฺมํ ปฏิจฺจ นเหตุ อเหตุโก ธมฺโม อุปฺปชฺชติ เหตุปจฺจยา. (๑) (สํขิตฺตํ.)

เหตุยา ตีณิ, อารมฺมเณ เอกํ, อวิคเต ตีณิ. (สํขิตฺตํ. สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ.)

๑๐. เหตุ อเหตุโก ธมฺโม นเหตุสฺส อเหตุกสฺส ธมฺมสฺส เหตุปจฺจเยน ปจฺจโย. (๑)

เหตุ อเหตุโก ธมฺโม เหตุสฺส อเหตุกสฺส ธมฺมสฺส อารมฺมณปจฺจเยน ปจฺจโย. เหตุ อเหตุโก ธมฺโม นเหตุสฺส อเหตุกสฺส ธมฺมสฺส อารมฺมณปจฺจเยน ปจฺจโย. (๒)

นเหตุ อเหตุโก ธมฺโม นเหตุสฺส อเหตุกสฺส ธมฺมสฺส อารมฺมณปจฺจเยน ปจฺจโย. นเหตุ อเหตุโก ธมฺโม เหตุสฺส อเหตุกสฺส ธมฺมสฺส อารมฺมณปจฺจเยน ปจฺจโย. (๒) (สํขิตฺตํ.)

๑๑. เหตุยา เอกํ, อารมฺมเณ จตฺตาริ, อวิคเต จตฺตาริ. (สํขิตฺตํ.)

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)