๒๒-๑๓. สนิทสฺสนตฺติก-ปริตฺตารมฺมณตฺติกํ

๖๐. นสนิทสฺสนสปฺปฏิฆํ นปริตฺตารมฺมณํ ธมฺมํ ปฏิจฺจ อนิทสฺสนอปฺปฏิโฆ ปริตฺตารมฺมโณ ธมฺโม อุปฺปชฺชติ เหตุปจฺจยา … เหตุยา ตีณิ.

นสนิทสฺสนสปฺปฏิฆํ นมหคฺคตารมฺมณํ ธมฺมํ ปจฺจยา อนิทสฺสนอปฺปฏิโฆ มหคฺคตารมฺมโณ ธมฺโม อุปฺปชฺชติ เหตุปจฺจยา… เหตุยา ตีณิ.

นสนิทสฺสนสปฺปฏิฆํ นอปฺปมาณารมฺมณํ ธมฺมํ ปจฺจยา อนิทสฺสนอปฺปฏิโฆ อปฺปมาณารมฺมโณ ธมฺโม อุปฺปชฺชติ เหตุปจฺจยา… เหตุยา ตีณิ.