๒๒-๓. สนิทสฺสนตฺติก-วิปากตฺติกํ

๕๐. นสนิทสฺสนสปฺปฏิฆํ นวิปากํ ธมฺมํ ปฏิจฺจ อนิทสฺสนอปฺปฏิโฆ วิปาโก ธมฺโม อุปฺปชฺชติ เหตุปจฺจยา… เหตุยา ตีณิ.

นสนิทสฺสนสปฺปฏิฆํ นวิปากธมฺมธมฺมํ ปจฺจยา อนิทสฺสนอปฺปฏิโฆ วิปากธมฺมธมฺโม อุปฺปชฺชติ เหตุปจฺจยา… เหตุยา ตีณิ.

นสนิทสฺสนสปฺปฏิฆํ นเนววิปากนวิปากธมฺมธมฺมํ ปฏิจฺจ สนิทสฺสนสปฺปฏิโฆ เนววิปากนวิปากธมฺมธมฺโม อุปฺปชฺชติ เหตุปจฺจยา… เหตุยา เอกวีส.