๒๒-๑๐๐. สนิทสฺสนตฺติก-สรณทุกํ

๑๑๔. นสนิทสฺสนสปฺปฏิฆํ นสรณํ ธมฺมํ ปจฺจยา อนิทสฺสนอปฺปฏิโฆ สรโณ ธมฺโม อุปฺปชฺชติ เหตุปจฺจยา… เหตุยา ตีณิ.

นสนิทสฺสนสปฺปฏิฆํ นอรณํ ธมฺมํ ปฏิจฺจ สนิทสฺสนสปฺปฏิโฆ อรโณ ธมฺโม อุปฺปชฺชติ เหตุปจฺจยา… สตฺต.

นอนิทสฺสนสปฺปฏิฆํ นอรณํ ธมฺมํ ปฏิจฺจ สนิทสฺสนสปฺปฏิโฆ อรโณ ธมฺโม อุปฺปชฺชติ เหตุปจฺจยา… สตฺต.

นสนิทสฺสนสปฺปฏิฆํ นอรณญฺจ นอนิทสฺสนสปฺปฏิฆํ นอรณญฺจ ธมฺมํ ปฏิจฺจ สนิทสฺสนสปฺปฏิโฆ อรโณ ธมฺโม อุปฺปชฺชติ เหตุปจฺจยา… สตฺต. เหตุยา เอกวีส.

(สหชาตวารมฺปิ ปฏิจฺจวารสทิสํ วิตฺถาเรตพฺพํ.)

เหตุอารมฺมณปจฺจยาทิ

๑๑๕. นสนิทสฺสนสปฺปฏิโฆ นอรโณ ธมฺโม สนิทสฺสนสปฺปฏิฆสฺส อรณสฺส ธมฺมสฺส เหตุปจฺจเยน ปจฺจโย… สตฺต.

นอนิทสฺสนสปฺปฏิโฆ นอรโณ ธมฺโม สนิทสฺสนสปฺปฏิฆสฺส อรณสฺส ธมฺมสฺส เหตุปจฺจเยน ปจฺจโย… สตฺต.

นสนิทสฺสนสปฺปฏิโฆ นอรโณ จ นอนิทสฺสนสปฺปฏิโฆ นอรโณ จ ธมฺมา สนิทสฺสนสปฺปฏิฆสฺส อรณสฺส ธมฺมสฺส เหตุปจฺจเยน ปจฺจโย… สตฺต.

๑๑๖. นสนิทสฺสนสปฺปฏิโฆ นอรโณ ธมฺโม อนิทสฺสนอปฺปฏิฆสฺส อรณสฺส ธมฺมสฺส อารมฺมณปจฺจเยน ปจฺจโย. นอนิทสฺสนสปฺปฏิโฆ นอรโณ ธมฺโม อนิทสฺสนอปฺปฏิฆสฺส อรณสฺส ธมฺมสฺส อารมฺมณปจฺจเยน ปจฺจโย. นสนิทสฺสนสปฺปฏิโฆ นอรโณ จ นอนิทสฺสนสปฺปฏิโฆ นอรโณ จ ธมฺมา อนิทสฺสนอปฺปฏิฆสฺส อรณสฺส ธมฺมสฺส อารมฺมณปจฺจเยน ปจฺจโย.

๑๑๗. เหตุยา เอกวีส, อารมฺมเณ ตีณิ…เป… อวิคเต เอกวีส.

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํ.)

ธมฺมปจฺจนียานุโลเม ติกทุกปฏฺฐานํ นิฏฺฐิตํ.