๒๒-๗-๑๓. สนิทสฺสนตฺติก-จูฬนฺตรทุกานิ

๖๓. นสนิทสฺสนสปฺปฏิโฆ นสปฺปจฺจโย ธมฺโม อนิทสฺสนอปฺปฏิฆสฺส สปฺปจฺจยสฺส ธมฺมสฺส อารมฺมณปจฺจเยน ปจฺจโย. (สํขิตฺตํ.) อารมฺมเณ ตีณิ, อธิปติยา อุปนิสฺสเย ตีณิ.

๖๔. นสนิทสฺสนสปฺปฏิฆํ นสนิทสฺสนํ ธมฺมํ ปฏิจฺจ สนิทสฺสนสปฺปฏิโฆ สนิทสฺสโน ธมฺโม อุปฺปชฺชติ เหตุปจฺจยา… เหตุยา ปญฺจ.

นอนิทสฺสนอปฺปฏิโฆ นนสนิทสฺสโน ธมฺโม อนิทสฺสนอปฺปฏิฆสฺส นสนิทสฺสนสฺส ธมฺมสฺส อารมฺมณปจฺจเยน ปจฺจโย. (สํขิตฺตํ.) อารมฺมเณ ตีณิ, อธิปติยา อุปนิสฺสเย ปุเรชาเต อตฺถิยา อวิคเต ตีณิ.

๖๕. นสนิทสฺสนสปฺปฏิฆํ นสปฺปฏิฆํ ธมฺมํ ปฏิจฺจ สนิทสฺสนสปฺปฏิโฆ สปฺปฏิโฆ ธมฺโม อุปฺปชฺชติ เหตุปจฺจยา… เหตุยา นว.

นสนิทสฺสนสปฺปฏิฆํ นอปฺปฏิฆํ ธมฺมํ ปฏิจฺจ อนิทสฺสนอปฺปฏิโฆ อปฺปฏิโฆ ธมฺโม อุปฺปชฺชติ เหตุปจฺจยา… เหตุยา ตีณิ.

๖๖. นสนิทสฺสนสปฺปฏิฆํ นรูปึ ธมฺมํ ปฏิจฺจ สนิทสฺสนสปฺปฏิโฆ รูปี ธมฺโม อุปฺปชฺชติ เหตุปจฺจยา… เหตุยา เอกวีส.

นสนิทสฺสนสปฺปฏิฆํ นอรูปึ ธมฺมํ ปฏิจฺจ อนิทสฺสนอปฺปฏิโฆ อรูปี ธมฺโม อุปฺปชฺชติ เหตุปจฺจยา… เหตุยา ตีณิ.

๖๗. นสนิทสฺสนสปฺปฏิฆํ นโลกิยํ ธมฺมํ ปฏิจฺจ สนิทสฺสนสปฺปฏิโฆ โลกิโย ธมฺโม อุปฺปชฺชติ เหตุปจฺจยา… สตฺต.

นอนิทสฺสนสปฺปฏิฆํ นโลกิยํ ธมฺมํ ปฏิจฺจ อนิทสฺสนสปฺปฏิโฆ โลกิโย ธมฺโม อุปฺปชฺชติ เหตุปจฺจยา… สตฺต. เหตุยา เอกวีส.

นสนิทสฺสนสปฺปฏิฆํ นโลกุตฺตรํ ธมฺมํ ปจฺจยา อนิทสฺสนอปฺปฏิโฆ โลกุตฺตโร ธมฺโม อุปฺปชฺชติ เหตุปจฺจยา. (สํขิตฺตํ.) เหตุยา ตีณิ…เป… อวิคเต ตีณิ.

นสนิทสฺสนสปฺปฏิฆํ นโลกุตฺตรํ ธมฺมํ ปจฺจยา อนิทสฺสนอปฺปฏิโฆ โลกุตฺตโร ธมฺโม อุปฺปชฺชติ เหตุปจฺจยา. (สํขิตฺตํ.) เหตุยา ตีณิ…เป… อวิคเต ตีณิ.

๖๘. นสนิทสฺสนสปฺปฏิฆํ นเกนจิ วิญฺเญยฺยํ ธมฺมํ ปฏิจฺจ สนิทสฺสนสปฺปฏิโฆ เกนจิ วิญฺเญยฺโย ธมฺโม อุปฺปชฺชติ เหตุปจฺจยา… เหตุยา ปญฺจตึส.

นสนิทสฺสนสปฺปฏิฆํ นนเกนจิ วิญฺเญยฺยํ ธมฺมํ ปฏิจฺจ สนิทสฺสนสปฺปฏิโฆ นเกนจิ วิญฺเญยฺโย ธมฺโม อุปฺปชฺชติ เหตุปจฺจยา… เหตุยา ปญฺจตึส.