๒๒-๒. สนิทสฺสนตฺติก-สเหตุกทุกํ

๕๘. นสนิทสฺสนสปฺปฏิฆํ นสเหตุกํ ธมฺมํ ปฏิจฺจ อนิทสฺสนอปฺปฏิโฆ สเหตุโก ธมฺโม อุปฺปชฺชติ เหตุปจฺจยา. นอนิทสฺสนสปฺปฏิฆํ นสเหตุกํ ธมฺมํ ปฏิจฺจ อนิทสฺสนอปฺปฏิโฆ สเหตุโก ธมฺโม อุปฺปชฺชติ เหตุปจฺจยา. นสนิทสฺสนสปฺปฏิฆํ นสเหตุกญฺจ นอนิทสฺสนสปฺปฏิฆํ นสเหตุกญฺจ ธมฺมํ ปฏิจฺจ อนิทสฺสนอปฺปฏิโฆ สเหตุโก ธมฺโม อุปฺปชฺชติ เหตุปจฺจยา. เหตุยา ตีณิ.

นสนิทสฺสนสปฺปฏิฆํ นอเหตุกํ ธมฺมํ ปฏิจฺจ สนิทสฺสนสปฺปฏิโฆ อเหตุโก ธมฺโม อุปฺปชฺชติ เหตุปจฺจยา… สตฺต.

นอนิทสฺสนสปฺปฏิฆํ นอเหตุกํ ธมฺมํ ปฏิจฺจ อนิทสฺสนสปฺปฏิโฆ อเหตุโก ธมฺโม อุปฺปชฺชติ เหตุปจฺจยา… สตฺต.

นสนิทสฺสนสปฺปฏิฆํ นอเหตุกญฺจ นอนิทสฺสนสปฺปฏิฆํ นอเหตุกญฺจ ธมฺมํ ปฏิจฺจ อนิทสฺสนสปฺปฏิโฆ อเหตุโก ธมฺโม อุปฺปชฺชติ เหตุปจฺจยา… สตฺต. เหตุยา เอกวีส.