๑-๙๙. กุสลตฺติก-สอุตฺตรทุกํ

๓๕. นกุสลํ นสอุตฺตรํ ธมฺมํ ปฏิจฺจ อพฺยากโต สอุตฺตโร ธมฺโม อุปฺปชฺชติ เหตุปจฺจยา. นอกุสลํ นสอุตฺตรํ ธมฺมํ ปฏิจฺจ อพฺยากโต สอุตฺตโร ธมฺโม อุปฺปชฺชติ เหตุปจฺจยา. นอพฺยากตํ นสอุตฺตรํ ธมฺมํ ปฏิจฺจ อพฺยากโต สอุตฺตโร ธมฺโม อุปฺปชฺชติ เหตุปจฺจยา. นอกุสลํ นสอุตฺตรญฺจ นอพฺยากตํ นสอุตฺตรญฺจ ธมฺมํ ปฏิจฺจ อพฺยากโต สอุตฺตโร ธมฺโม อุปฺปชฺชติ เหตุปจฺจยา. นกุสลํ นสอุตฺตรญฺจ นอกุสลํ นสอุตฺตรญฺจ ธมฺมํ ปฏิจฺจ อพฺยากโต สอุตฺตโร ธมฺโม อุปฺปชฺชติ เหตุปจฺจยา. เหตุยา ปญฺจ.

นกุสลํ นอนุตฺตรํ ธมฺมํ ปจฺจยา กุสโล อนุตฺตโร ธมฺโม อุปฺปชฺชติ เหตุปจฺจยา… (สํขิตฺตํ.) เหตุยา ฉ…เป… วิปาเก ตีณิ…เป… อวิคเต ฉ.