ธมฺมปจฺจนียานุโลเม ติกปฏฺฐานํ

๑. กุสลตฺติกํ

๑-๒. ปฏิจฺจวาราทิ

ปจฺจยจตุกฺกํ

เหตุ-อารมฺมณปจฺจยา

๑. นกุสลํ ธมฺมํ ปฏิจฺจ อกุสโล ธมฺโม อุปฺปชฺชติ เหตุปจฺจยา. อกุสลํ เอกํ ขนฺธํ ปฏิจฺจ ตโย ขนฺธา…เป… เทฺว ขนฺเธ ปฏิจฺจ เทฺว ขนฺธา นกุสลํ ธมฺมํ ปฏิจฺจ อพฺยากโต ธมฺโม อุปฺปชฺชติ เหตุปจฺจยา. วิปากาพฺยากตํ กิริยาพฺยากตํ เอกํ ขนฺธํ ปฏิจฺจ ตโย ขนฺธา จิตฺตสมุฏฺฐานญฺจ รูปํ…เป… นกุสลํ ธมฺมํ ปฏิจฺจ อกุสโล จ อพฺยากโต จ ธมฺมา อุปฺปชฺชนฺติ เหตุปจฺจยา. ตีณิ.

นอกุสลํ ธมฺมํ ปฏิจฺจ กุสโล ธมฺโม อุปฺปชฺชติ เหตุปจฺจยา. นอกุสลํ ธมฺมํ ปฏิจฺจ อพฺยากโต ธมฺโม อุปฺปชฺชติ เหตุปจฺจยา. นอกุสลํ ธมฺมํ ปฏิจฺจ กุสโล จ อพฺยากโต จ ธมฺมา อุปฺปชฺชนฺติ เหตุปจฺจยา. ตีณิ.

นอพฺยากตํ ธมฺมํ ปฏิจฺจ อพฺยากโต ธมฺโม อุปฺปชฺชติ เหตุปจฺจยา. นอพฺยากตํ ธมฺมํ ปฏิจฺจ กุสโล ธมฺโม อุปฺปชฺชติ เหตุปจฺจยา. นอพฺยากตํ ธมฺมํ ปฏิจฺจ อกุสโล ธมฺโม อุปฺปชฺชติ เหตุปจฺจยา. นอพฺยากตํ ธมฺมํ ปฏิจฺจ กุสโล จ อพฺยากโต จ ธมฺมา อุปฺปชฺชนฺติ เหตุปจฺจยา. นอพฺยากตํ ธมฺมํ ปฏิจฺจ อกุสโล จ อพฺยากโต จ ธมฺมา อุปฺปชฺชนฺติ เหตุปจฺจยา. ปญฺจ.

นกุสลญฺจ นอพฺยากตญฺจ ธมฺมํ ปฏิจฺจ อกุสโล ธมฺโม อุปฺปชฺชติ เหตุปจฺจยา. นกุสลญฺจ นอพฺยากตญฺจ ธมฺมํ ปฏิจฺจ อพฺยากโต ธมฺโม อุปฺปชฺชติ เหตุปจฺจยา. นกุสลญฺจ นอพฺยากตญฺจ ธมฺมํ ปฏิจฺจ อกุสโล จ อพฺยากโต จ ธมฺมา อุปฺปชฺชนฺติ เหตุปจฺจยา. ตีณิ.

นอกุสลญฺจ นอพฺยากตญฺจ ธมฺมํ ปฏิจฺจ กุสโล ธมฺโม อุปฺปชฺชติ เหตุปจฺจยา. นอกุสลญฺจ นอพฺยากตญฺจ ธมฺมํ ปฏิจฺจ อพฺยากโต ธมฺโม อุปฺปชฺชติ เหตุปจฺจยา. นอกุสลญฺจ นอพฺยากตญฺจ ธมฺมํ ปฏิจฺจ กุสโล จ อพฺยากโต จ ธมฺมา อุปฺปชฺชนฺติ เหตุปจฺจยา. ตีณิ.

นกุสลญฺจ นอกุสลญฺจ ธมฺมํ ปฏิจฺจ อพฺยากโต ธมฺโม อุปฺปชฺชติ เหตุปจฺจยา. เอกํ.

๒. นกุสลํ ธมฺมํ ปฏิจฺจ อกุสโล ธมฺโม อุปฺปชฺชติ อารมฺมณปจฺจยา. นกุสลํ ธมฺมํ ปฏิจฺจ อพฺยากโต ธมฺโม อุปฺปชฺชติ อารมฺมณปจฺจยา. เทฺว.

นอกุสลํ ธมฺมํ ปฏิจฺจ กุสโล ธมฺโม อุปฺปชฺชติ อารมฺมณปจฺจยา. นอกุสลํ ธมฺมํ ปฏิจฺจ อพฺยากโต ธมฺโม อุปฺปชฺชติ อารมฺมณปจฺจยา. เทฺว.

นอพฺยากตํ ธมฺมํ ปฏิจฺจ กุสโล ธมฺโม อุปฺปชฺชติ อารมฺมณปจฺจยา. นอพฺยากตํ ธมฺมํ ปฏิจฺจ อกุสโล ธมฺโม อุปฺปชฺชติ อารมฺมณปจฺจยา. เทฺว.

นกุสลญฺจ นอพฺยากตญฺจ ธมฺมํ ปฏิจฺจ อกุสโล ธมฺโม อุปฺปชฺชติ อารมฺมณปจฺจยา. เอกํ.

นอกุสลญฺจ นอพฺยากตญฺจ ธมฺมํ ปฏิจฺจ กุสโล ธมฺโม อุปฺปชฺชติ อารมฺมณปจฺจยา. เอกํ.

นกุสลญฺจ นอกุสลญฺจ ธมฺมํ ปฏิจฺจ อพฺยากโต ธมฺโม อุปฺปชฺชติ อารมฺมณปจฺจยา. เอกํ. เหตุยา อฏฺฐารส, อารมฺมเณ นว, อธิปติยา อฏฺฐารส…เป… อวิคเต อฏฺฐารส.

ปจฺจนียํ

นเหตุ-นอารมฺมณปจฺจยา

๓. นกุสลํ ธมฺมํ ปฏิจฺจ อกุสโล ธมฺโม อุปฺปชฺชติ นเหตุปจฺจยา. นกุสลํ ธมฺมํ ปฏิจฺจ อพฺยากโต ธมฺโม อุปฺปชฺชติ นเหตุปจฺจยา…เป… นกุสลญฺจ นอกุสลญฺจ ธมฺมํ ปฏิจฺจ อพฺยากโต ธมฺโม อุปฺปชฺชติ นเหตุปจฺจยา.

๔. นกุสลํ ธมฺมํ ปฏิจฺจ อพฺยากโต ธมฺโม อุปฺปชฺชติ นอารมฺมณปจฺจยา…เป… นกุสลญฺจ นอกุสลญฺจ ธมฺมํ ปฏิจฺจ อพฺยากโต ธมฺโม อุปฺปชฺชติ นอารมฺมณปจฺจยา. (สํขิตฺตํ.)

๕. นเหตุยา ฉ, นอารมฺมเณ ฉ, นอธิปติยา อฏฺฐารส…เป… โนวิคเต ฉ.

เหตุปจฺจยา นอารมฺมเณ ฉ… (สํขิตฺตํ).

นเหตุปจฺจยา อารมฺมเณ ฉ… (สํขิตฺตํ).

(สหชาตวาโร ปฏิจฺจวารสทิโส).

๓-๖. ปจฺจยวาราทิ

๖. นกุสลํ ธมฺมํ ปจฺจยา กุสโล ธมฺโม อุปฺปชฺชติ เหตุปจฺจยา. นกุสลํ ธมฺมํ ปจฺจยา อกุสโล ธมฺโม อุปฺปชฺชติ เหตุปจฺจยา. นกุสลํ ธมฺมํ ปจฺจยา อพฺยากโต ธมฺโม อุปฺปชฺชติ เหตุปจฺจยา. นกุสลํ ธมฺมํ ปจฺจยา กุสโล จ อพฺยากโต จ ธมฺมา อุปฺปชฺชนฺติ เหตุปจฺจยา. นกุสลํ ธมฺมํ ปจฺจยา อกุสโล จ อพฺยากโต จ ธมฺมา อุปฺปชฺชนฺติ เหตุปจฺจยา. ปญฺจ.

นอกุสลํ ธมฺมํ ปจฺจยา อกุสโล ธมฺโม อุปฺปชฺชติ เหตุปจฺจยา… ปญฺจ.

นอพฺยากตํ ธมฺมํ ปจฺจยา อพฺยากโต ธมฺโม อุปฺปชฺชติ เหตุปจฺจยา… ปญฺจ.

นกุสลญฺจ นอพฺยากตญฺจ ธมฺมํ ปจฺจยา… ตีณิ.

นอกุสลญฺจ นอพฺยากตญฺจ ธมฺมํ ปจฺจยา… ตีณิ. นกุสลญฺจ นอกุสลญฺจ ธมฺมํ ปจฺจยา กุสโล ธมฺโม อุปฺปชฺชติ เหตุปจฺจยา… ปญฺจ. (สํขิตฺตํ.) เหตุยา ฉพฺพีสติ, อารมฺมเณ เตรส…เป… อวิคเต ฉพฺพีสติ.

สํสฏฺฐวาเร เหตุยา นว…เป… อวิคเต นว. (สํขิตฺตํ.)

๗. ปญฺหาวาโร

๗. นกุสโล ธมฺโม อกุสลสฺส ธมฺมสฺส เหตุปจฺจเยน ปจฺจโย. นกุสโล ธมฺโม อพฺยากตสฺส ธมฺมสฺส เหตุปจฺจเยน ปจฺจโย. นกุสโล ธมฺโม อกุสลสฺส จ อพฺยากตสฺส จ ธมฺมสฺส เหตุปจฺจเยน ปจฺจโย… ตีณิ.

นอกุสโล ธมฺโม กุสลสฺส ธมฺมสฺส เหตุปจฺจเยน ปจฺจโย… ตีณิ.

นอพฺยากโต ธมฺโม อพฺยากตสฺส ธมฺมสฺส เหตุปจฺจเยน ปจฺจโย… ปญฺจ.

นกุสโล จ นอพฺยากโต จ ธมฺมา อกุสลสฺส ธมฺมสฺส เหตุปจฺจเยน ปจฺจโย… ตีณิ.

นอกุสโล จ นอพฺยากโต จ ธมฺมา กุสลสฺส ธมฺมสฺส เหตุปจฺจเยน ปจฺจโย… ตีณิ.

นกุสโล จ นอกุสโล จ ธมฺมา อพฺยากตสฺส ธมฺมสฺส เหตุปจฺจเยน ปจฺจโย. เอกํ.

อารมฺมณปจฺจโย

๘. นกุสโล ธมฺโม กุสลสฺส ธมฺมสฺส อารมฺมณปจฺจเยน ปจฺจโย… ตีณิ.

นอกุสโล ธมฺโม อกุสลสฺส ธมฺมสฺส อารมฺมณปจฺจเยน ปจฺจโย… ตีณิ.

นอพฺยากโต ธมฺโม อพฺยากตสฺส ธมฺมสฺส อารมฺมณปจฺจเยน ปจฺจโย… ตีณิ.

นกุสโล จ นอพฺยากโต จ ธมฺมา กุสลสฺส ธมฺมสฺส อารมฺมณปจฺจเยน ปจฺจโย. นกุสโล จ นอพฺยากโต จ ธมฺมา อกุสลสฺส ธมฺมสฺส อารมฺมณปจฺจเยน ปจฺจโย. นกุสโล จ นอพฺยากโต จ ธมฺมา อพฺยากตสฺส ธมฺมสฺส อารมฺมณปจฺจเยน ปจฺจโย. ตีณิ.

นอกุสโล จ นอพฺยากโต จ ธมฺมา กุสลสฺส ธมฺมสฺส อารมฺมณปจฺจเยน ปจฺจโย. นอกุสโล จ นอพฺยากโต จ ธมฺมา อกุสลสฺส ธมฺมสฺส อารมฺมณปจฺจเยน ปจฺจโย. นอกุสโล จ นอพฺยากโต จ ธมฺมา อพฺยากตสฺส ธมฺมสฺส อารมฺมณปจฺจเยน ปจฺจโย. ตีณิ.

นกุสโล จ นอกุสโล จ ธมฺมา กุสลสฺส ธมฺมสฺส อารมฺมณปจฺจเยน ปจฺจโย… ตีณิ. (สํขิตฺตํ.)

๙. เหตุยา อฏฺฐารส, อารมฺมเณ อฏฺฐารส, อธิปติยา เตวีส…เป… อวิคเต ทฺวาวีส. (ปญฺหาวารํ วิตฺถาเรตพฺพํ.)

๒. เวทนาตฺติกํ

๑-๗. ปฏิจฺจวาราทิ

๑๐. นสุขาย เวทนาย สมฺปยุตฺตํ ธมฺมํ ปฏิจฺจ สุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. นสุขาย เวทนาย สมฺปยุตฺตํ ธมฺมํ ปฏิจฺจ ทุกฺขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. นสุขาย เวทนาย สมฺปยุตฺตํ ธมฺมํ ปฏิจฺจ อทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. (๓)

นทุกฺขาย เวทนาย สมฺปยุตฺตํ ธมฺมํ ปฏิจฺจ ทุกฺขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. นทุกฺขาย เวทนาย สมฺปยุตฺตํ ธมฺมํ ปฏิจฺจ สุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. นทุกฺขาย เวทนาย สมฺปยุตฺตํ ธมฺมํ ปฏิจฺจ อทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. (๓)

นอทุกฺขมสุขาย เวทนาย สมฺปยุตฺตํ ธมฺมํ ปฏิจฺจ อทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. นอทุกฺขมสุขาย เวทนาย สมฺปยุตฺตํ ธมฺมํ ปฏิจฺจ สุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. นอทุกฺขมสุขาย เวทนาย สมฺปยุตฺตํ ธมฺมํ ปฏิจฺจ ทุกฺขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. (๓) (สํขิตฺตํ.) เหตุยา เอกวีส, อธิปติยา เอกวีส…เป… อวิคเต เอกวีส.

๓. วิปากตฺติกํ

๑-๗. ปฏิจฺจวาราทิ

๑๑. นวิปากํ ธมฺมํ ปฏิจฺจ วิปาโก ธมฺโม อุปฺปชฺชติ เหตุปจฺจยา. นวิปากํ ธมฺมํ ปฏิจฺจ วิปากธมฺมธมฺโม อุปฺปชฺชติ เหตุปจฺจยา… ปญฺจ.

นวิปากธมฺมธมฺมํ ปฏิจฺจ วิปาโก ธมฺโม อุปฺปชฺชติ เหตุปจฺจยา. นวิปากธมฺมธมฺมํ ปฏิจฺจ เนววิปากนวิปากธมฺมธมฺโม อุปฺปชฺชติ เหตุปจฺจยา… ตีณิ.

นเนววิปากนวิปากธมฺมธมฺมํ ปฏิจฺจ เนววิปากนวิปากธมฺมธมฺโม อุปฺปชฺชติ เหตุปจฺจยา. นเนววิปากนวิปากธมฺมธมฺมํ ปฏิจฺจ วิปาโก ธมฺโม อุปฺปชฺชติ เหตุปจฺจยา… ปญฺจ. เหตุยา ทฺวาวีส.

๔. อุปาทินฺนตฺติกํ

๑-๗. ปฏิจฺจวาราทิ

๑๒. นอุปาทินฺนุปาทานิยํ ธมฺมํ ปฏิจฺจ อนุปาทินฺนุปาทานิโย ธมฺโม อุปฺปชฺชติ เหตุปจฺจยา… ตีณิ.

นอนุปาทินฺนุปาทานิยํ ธมฺมํ ปฏิจฺจ อนุปาทินฺนุปาทานิโย ธมฺโม อุปฺปชฺชติ เหตุปจฺจยา… ปญฺจ.

นอนุปาทินฺนอนุปาทานิยํ ธมฺมํ ปฏิจฺจ อุปาทินฺนุปาทานิโย ธมฺโม อุปฺปชฺชติ เหตุปจฺจยา… ตีณิ.

นอุปาทินฺนุปาทานิยญฺจ นอนุปาทินฺนอนุปาทานิยญฺจ ธมฺมํ ปฏิจฺจ อนุปาทินฺนุปาทานิโย ธมฺโม อุปฺปชฺชติ เหตุปจฺจยา. เอกํ.

นอนุปาทินฺนุปาทานิยญฺจ นอนุปาทินฺนอนุปาทานิยญฺจ ธมฺมํ ปฏิจฺจ อุปาทินฺนุปาทานิโย ธมฺโม อุปฺปชฺชติ เหตุปจฺจยา… ตีณิ.

นอุปาทินฺนุปาทานิยญฺจ นอนุปาทินฺนุปาทานิยญฺจ ธมฺมํ ปฏิจฺจ อนุปาทินฺนอนุปาทานิโย ธมฺโม อุปฺปชฺชติ เหตุปจฺจยา… ตีณิ. เหตุยา อฏฺฐารส.

๕. สํกิลิฏฺฐตฺติกํ

๑-๗. ปฏิจฺจวาราทิ

๑๓. นสํกิลิฏฺฐสํกิเลสิกํ ธมฺมํ ปฏิจฺจ อสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา. นสํกิลิฏฺฐสํกิเลสิกํ ธมฺมํ ปฏิจฺจ อสํกิลิฏฺฐอสํกิเลสิโก ธมฺโม อุปฺปชฺชติ เหตุปจฺจยา. นสํกิลิฏฺฐสํกิเลสิกํ ธมฺมํ ปฏิจฺจ อสํกิลิฏฺฐสํกิเลสิโก จ อสํกิลิฏฺฐอสํกิเลสิโก จ ธมฺมา อุปฺปชฺชนฺติ เหตุปจฺจยา. ตีณิ.

นอสํกิลิฏฺฐสํกิเลสิกํ ธมฺมํ ปฏิจฺจ อสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา… ปญฺจ.

นอสํกิลิฏฺฐอสํกิเลสิกํ ธมฺมํ ปฏิจฺจ สํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา. นอสํกิลิฏฺฐอสํกิเลสิกํ ธมฺมํ ปฏิจฺจ อสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา. นอสํกิลิฏฺฐอสํกิเลสิกํ ธมฺมํ ปฏิจฺจ สํกิลิฏฺฐสํกิเลสิโก จ อสํกิลิฏฺฐสํกิเลสิโก จ ธมฺมา อุปฺปชฺชนฺติ เหตุปจฺจยา. ตีณิ. เหตุยา อฏฺฐารส.

๖. วิตกฺกตฺติกํ

๑-๗. ปฏิจฺจวาราทิ

๑๔. นสวิตกฺกสวิจารํ ธมฺมํ ปฏิจฺจ สวิตกฺกสวิจาโร ธมฺโม อุปฺปชฺชติ เหตุปจฺจยา. นสวิตกฺกสวิจารํ ธมฺมํ ปฏิจฺจ อวิตกฺกวิจารมตฺโต ธมฺโม อุปฺปชฺชติ เหตุปจฺจยา. นสวิตกฺกสวิจารํ ธมฺมํ ปฏิจฺจ อวิตกฺกอวิจาโร ธมฺโม อุปฺปชฺชติ เหตุปจฺจยา… สตฺต.

นอวิตกฺกวิจารมตฺตํ ธมฺมํ ปฏิจฺจ อวิตกฺกวิจารมตฺโต ธมฺโม อุปฺปชฺชติ เหตุปจฺจยา… สตฺต.

นอวิตกฺกอวิจารํ ธมฺมํ ปฏิจฺจ อวิตกฺกอวิจาโร ธมฺโม อุปฺปชฺชติ เหตุปจฺจยา… สตฺต. เหตุยา เอกูนปญฺญาส.

๗. ปีติตฺติกํ

๑-๗. ปฏิจฺจวาราทิ

๑๕. นปีติสหคตํ ธมฺมํ ปฏิจฺจ ปีติสหคโต ธมฺโม อุปฺปชฺชติ เหตุปจฺจยา… จตฺตาริ.

นสุขสหคตํ ธมฺมํ ปฏิจฺจ สุขสหคโต ธมฺโม อุปฺปชฺชติ เหตุปจฺจยา… จตฺตาริ.

นอุเปกฺขาสหคตํ ธมฺมํ ปฏิจฺจ อุเปกฺขาสหคโต ธมฺโม อุปฺปชฺชติ เหตุปจฺจยา. นอุเปกฺขาสหคตํ ธมฺมํ ปฏิจฺจ ปีติสหคโต ธมฺโม อุปฺปชฺชติ เหตุปจฺจยา… จตฺตาริ. เหตุยา อฏฺฐวีส.

๘. ทสฺสนตฺติกํ

๑-๗. ปฏิจฺจวาราทิ

๑๖. นทสฺสเนน ปหาตพฺพํ ธมฺมํ ปฏิจฺจ ภาวนาย ปหาตพฺโพ ธมฺโม อุปฺปชฺชติ เหตุปจฺจยา. นทสฺสเนน ปหาตพฺพํ ธมฺมํ ปฏิจฺจ เนวทสฺสเนน นภาวนาย ปหาตพฺโพ ธมฺโม อุปฺปชฺชติ เหตุปจฺจยา. นทสฺสเนน ปหาตพฺพํ ธมฺมํ ปฏิจฺจ ภาวนาย ปหาตพฺโพ จ เนวทสฺสเนน นภาวนาย ปหาตพฺโพ จ ธมฺมา อุปฺปชฺชนฺติ เหตุปจฺจยา. ตีณิ.

นภาวนาย ปหาตพฺพํ ธมฺมํ ปฏิจฺจ ทสฺสเนน ปหาตพฺโพ ธมฺโม อุปฺปชฺชติ เหตุปจฺจยา. นภาวนาย ปหาตพฺพํ ธมฺมํ ปฏิจฺจ เนวทสฺสเนน นภาวนาย ปหาตพฺโพ ธมฺโม อุปฺปชฺชติ เหตุปจฺจยา. นภาวนาย ปหาตพฺพํ ธมฺมํ ปฏิจฺจ ทสฺสเนน ปหาตพฺโพ จ เนวทสฺสเนน นภาวนาย ปหาตพฺโพ จ ธมฺมา อุปฺปชฺชนฺติ เหตุปจฺจยา. ตีณิ.

เนวทสฺสเนน นภาวนาย ปหาตพฺพํ ธมฺมํ ปฏิจฺจ เนวทสฺสเนน นภาวนาย ปหาตพฺโพ ธมฺโม อุปฺปชฺชติ เหตุปจฺจยา. นเนวทสฺสเนน นภาวนาย ปหาตพฺพํ ธมฺมํ ปฏิจฺจ ทสฺสเนน ปหาตพฺโพ ธมฺโม อุปฺปชฺชติ เหตุปจฺจยา… ปญฺจ. (สํขิตฺตํ.) เหตุยา อฏฺฐารส.

๙. ทสฺสนเหตุตฺติกํ

๑-๗. ปฏิจฺจวาราทิ

๑๗. นทสฺสเนน ปหาตพฺพเหตุกํ ธมฺมํ ปฏิจฺจ ทสฺสเนน ปหาตพฺพเหตุโก ธมฺโม อุปฺปชฺชติ เหตุปจฺจยา… เหตุยา ฉพฺพีส.

๑๐. อาจยคามิตฺติกํ

๑-๗. ปฏิจฺจวาราทิ

๑๘. นอาจยคามึ ธมฺมํ ปฏิจฺจ อปจยคามี ธมฺโม อุปฺปชฺชติ เหตุปจฺจยา… เหตุยา อฏฺฐารส.

๑๑. เสกฺขตฺติกํ

๑-๗. ปฏิจฺจวาราทิ

๑๙. นเสกฺขํ ธมฺมํ ปฏิจฺจ อเสกฺโข ธมฺโม อุปฺปชฺชติ เหตุปจฺจยา… เหตุยา อฏฺฐารส.

๑๒-๑๖. ปริตฺตตฺติกาทิ

๑-๗. ปฏิจฺจวาราทิ

๒๐. นปริตฺตํ ธมฺมํ ปฏิจฺจ ปริตฺโต ธมฺโม อุปฺปชฺชติ เหตุปจฺจยา… เหตุยา ทฺวาวีส.

๒๑. นปริตฺตารมฺมณํ ธมฺมํ ปฏิจฺจ ปริตฺตารมฺมโณ ธมฺโม อุปฺปชฺชติ เหตุปจฺจยา… เหตุยา เตรส.

๒๒. นหีนํ ธมฺมํ ปฏิจฺจ มชฺฌิโม ธมฺโม อุปฺปชฺชติ เหตุปจฺจยา… เหตุยา อฏฺฐารส.

๒๓. นมิจฺฉตฺตนิยตํ ธมฺมํ ปฏิจฺจ สมฺมตฺตนิยโต ธมฺโม อุปฺปชฺชติ เหตุปจฺจยา… เหตุยา อฏฺฐารส.

๒๔. นมคฺคารมฺมณํ ธมฺมํ ปฏิจฺจ มคฺคเหตุโก ธมฺโม อุปฺปชฺชติ เหตุปจฺจยา… เหตุยา ทส [เหตุยา อฏฺฐ?].

๑๗. อุปฺปนฺนตฺติกํ

๗. ปญฺหาวาโร

๒๕. นอนุปฺปนฺโน ธมฺโม อุปฺปนฺนสฺส ธมฺมสฺส เหตุปจฺจเยน ปจฺจโย. นอุปฺปาที ธมฺโม อุปฺปนฺนสฺส ธมฺมสฺส เหตุปจฺจเยน ปจฺจโย. นอนุปฺปนฺโน จ นอุปฺปาที จ ธมฺมา อุปฺปนฺนสฺส ธมฺมสฺส เหตุปจฺจเยน ปจฺจโย. เหตุยา ตีณิ.

๑๘-๑๙. อตีตตฺติกทฺวยํ

๑-๗. ปฏิจฺจวาราทิ

๒๖. นอตีโต ธมฺโม ปจฺจุปฺปนฺนสฺส ธมฺมสฺส เหตุปจฺจเยน ปจฺจโย. นอนาคโต ธมฺโม ปจฺจุปฺปนฺนสฺส ธมฺมสฺส เหตุปจฺจเยน ปจฺจโย. นอตีโต จ นอนาคโต จ ธมฺมา ปจฺจุปฺปนฺนสฺส ธมฺมสฺส เหตุปจฺจเยน ปจฺจโย. เหตุยา ตีณิ.

๒๗. นอตีตารมฺมณํ ธมฺมํ ปฏิจฺจ อตีตารมฺมโณ ธมฺโม อุปฺปชฺชติ เหตุปจฺจยา. นอตีตารมฺมณํ ธมฺมํ ปฏิจฺจ อนาคตารมฺมโณ ธมฺโม อุปฺปชฺชติ เหตุปจฺจยา. นอตีตารมฺมณํ ธมฺมํ ปฏิจฺจ ปจฺจุปฺปนฺนารมฺมโณ ธมฺโม อุปฺปชฺชติ เหตุปจฺจยา. ตีณิ.

นอนาคตารมฺมณํ ธมฺมํ ปฏิจฺจ อตีตารมฺมโณ ธมฺโม อุปฺปชฺชติ เหตุปจฺจยา. นอนาคตารมฺมณํ ธมฺมํ ปฏิจฺจ ปจฺจุปฺปนฺนารมฺมโณ ธมฺโม อุปฺปชฺชติ เหตุปจฺจยา. เทฺว.

นปจฺจุปฺปนฺนารมฺมณํ ธมฺมํ ปฏิจฺจ ปจฺจุปฺปนฺนารมฺมโณ ธมฺโม อุปฺปชฺชติ เหตุปจฺจยา. นปจฺจุปฺปนฺนารมฺมณํ ธมฺมํ ปฏิจฺจ อตีตารมฺมโณ ธมฺโม อุปฺปชฺชติ เหตุปจฺจยา. นปจฺจุปฺปนฺนารมฺมณํ ธมฺมํ ปฏิจฺจ อนาคตารมฺมโณ ธมฺโม อุปฺปชฺชติ เหตุปจฺจยา. ตีณิ. (สํขิตฺตํ.) เหตุยา สตฺตรส.

๒๐-๒๑. อชฺฌตฺตตฺติกทฺวยํ

๑-๗. ปฏิจฺจวาราทิ

๒๘. นอชฺฌตฺตํ ธมฺมํ ปฏิจฺจ พหิทฺธา ธมฺโม อุปฺปชฺชติ เหตุปจฺจยา. เอกํ.

นพหิทฺธา ธมฺมํ ปฏิจฺจ อชฺฌตฺโต ธมฺโม อุปฺปชฺชติ เหตุปจฺจยา. เอกํ. เหตุยา เทฺว.

๒๙. นอชฺฌตฺตารมฺมณํ ธมฺมํ ปฏิจฺจ อชฺฌตฺตารมฺมโณ ธมฺโม อุปฺปชฺชติ เหตุปจฺจยา… เทฺว.

นพหิทฺธารมฺมณํ ธมฺมํ ปฏิจฺจ พหิทฺธารมฺมโณ ธมฺโม อุปฺปชฺชติ เหตุปจฺจยา… เทฺว.

นอชฺฌตฺตารมฺมณญฺจ นพหิทฺธารมฺมณญฺจ ธมฺมํ ปฏิจฺจ อชฺฌตฺตารมฺมโณ ธมฺโม อุปฺปชฺชติ เหตุปจฺจยา… เทฺว. เหตุยา ฉ.

๒๒. สนิทสฺสนตฺติกํ

๑-๗. ปฏิจฺจวาราทิ

๓๐. นสนิทสฺสนสปฺปฏิฆํ ธมฺมํ ปฏิจฺจ สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา. นสนิทสฺสนสปฺปฏิฆํ ธมฺมํ ปฏิจฺจ อนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา. นสนิทสฺสนสปฺปฏิฆํ ธมฺมํ ปฏิจฺจ อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยา. นสนิทสฺสนสปฺปฏิฆํ ธมฺมํ ปฏิจฺจ สนิทสฺสนสปฺปฏิโฆ จ อนิทสฺสนอปฺปฏิโฆ จ ธมฺมา อุปฺปชฺชนฺติ เหตุปจฺจยา. นสนิทสฺสนสปฺปฏิฆํ ธมฺมํ ปฏิจฺจ อนิทสฺสนสปฺปฏิโฆ จ อนิทสฺสนอปฺปฏิโฆ จ ธมฺมา อุปฺปชฺชนฺติ เหตุปจฺจยา. นสนิทสฺสนสปฺปฏิฆํ ธมฺมํ ปฏิจฺจ สนิทสฺสนสปฺปฏิโฆ จ อนิทสฺสนสปฺปฏิโฆ จ ธมฺมา อุปฺปชฺชนฺติ เหตุปจฺจยา. นสนิทสฺสนสปฺปฏิฆํ ธมฺมํ ปฏิจฺจ สนิทสฺสนสปฺปฏิโฆ จ อนิทสฺสนสปฺปฏิโฆ จ อนิทสฺสนอปฺปฏิโฆ จ ธมฺมา อุปฺปชฺชนฺติ เหตุปจฺจยา. สตฺต.

นอนิทสฺสนสปฺปฏิฆํ ธมฺมํ ปฏิจฺจ อนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา. นอนิทสฺสนสปฺปฏิฆํ ธมฺมํ ปฏิจฺจ สนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา… สตฺต.

นอนิทสฺสนอปฺปฏิฆํ ธมฺมํ ปฏิจฺจ อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยา… สตฺต. เหตุยา ปญฺจตึส. (ปญฺหาวารมฺปิ วิตฺถาเรตพฺพํ.)

ธมฺมปจฺจนียานุโลเม ติกปฏฺฐานํ นิฏฺฐิตํ.