๑-๑๓-๑๘. เหตุทุก-อาสวโคจฺฉกํ

๑๕. เหตุํ อาสวํ ธมฺมํ ปฏิจฺจ นเหตุ นอาสโว ธมฺโม อุปฺปชฺชติ เหตุปจฺจยา… เหตุยา ปญฺจ.

เหตุํ โนอาสวํ ธมฺมํ ปฏิจฺจ นนเหตุ นโนอาสโว ธมฺโม อุปฺปชฺชติ เหตุปจฺจยา… เหตุยา ปญฺจ.

๑๖. นเหตุํ สาสวํ ธมฺมํ ปจฺจยา นนเหตุ นสาสโว ธมฺโม อุปฺปชฺชติ เหตุปจฺจยา… เหตุยา ตีณิ.

เหตุํ อนาสวํ ธมฺมํ ปฏิจฺจ นเหตุ นอนาสโว ธมฺโม อุปฺปชฺชติ เหตุปจฺจยา… เหตุยา ตีณิ.

๑๗. เหตุํ อาสวสมฺปยุตฺตํ ธมฺมํ ปฏิจฺจ นเหตุ นอาสวสมฺปยุตฺโต ธมฺโม อุปฺปชฺชติ เหตุปจฺจยา… เหตุยา นว.

เหตุํ อาสววิปฺปยุตฺตํ ธมฺมํ ปฏิจฺจ นเหตุ นอาสววิปฺปยุตฺโต ธมฺโม อุปฺปชฺชติ เหตุปจฺจยา… เหตุยา ตีณิ.

๑๘. เหตุํ อาสวญฺเจว สาสวญฺจ ธมฺมํ ปฏิจฺจ นเหตุ นอาสโว เจว นอนาสโว จ ธมฺโม อุปฺปชฺชติ เหตุปจฺจยา… เหตุยา ปญฺจ.

เหตุํ สาสวญฺเจว โน จ อาสวํ ธมฺมํ ปฏิจฺจ นนเหตุ นอนาสโว เจว นโน จ อาสโว ธมฺโม อุปฺปชฺชติ เหตุปจฺจยา… เหตุยา ปญฺจ.

๑๙. เหตุํ อาสวญฺเจว อาสวสมฺปยุตฺตญฺจ ธมฺมํ ปฏิจฺจ นเหตุ นอาสโว เจว นอาสววิปฺปยุตฺโต จ ธมฺโม อุปฺปชฺชติ เหตุปจฺจยา… เหตุยา ตีณิ.

นเหตุํ อาสวสมฺปยุตฺตญฺเจว โน จ อาสวํ ธมฺมํ ปฏิจฺจ นนเหตุ นอาสววิปฺปยุตฺโต เจว นโนอาสโว จ ธมฺโม อุปฺปชฺชติ เหตุปจฺจยา… เหตุยา ตีณิ.

๒๐. นเหตุํ อาสววิปฺปยุตฺตํ สาสวํ ธมฺมํ ปจฺจยา นนเหตุ อาสววิปฺปยุตฺโต นสาสโว ธมฺโม อุปฺปชฺชติ เหตุปจฺจยา. (โลกิยสทิสํ.)

เหตุํ อาสววิปฺปยุตฺตํ อนาสวํ ธมฺมํ ปฏิจฺจ นเหตุ อาสววิปฺปยุตฺโต นอนาสโว ธมฺโม อุปฺปชฺชติ เหตุปจฺจยา. นเหตุํ อาสววิปฺปยุตฺตํ อนาสวํ ธมฺมํ ปฏิจฺจ นเหตุ อาสววิปฺปยุตฺโต นอนาสโว ธมฺโม อุปฺปชฺชติ เหตุปจฺจยา. เหตุํ อาสววิปฺปยุตฺตํ อนาสวญฺจ นเหตุํ อาสววิปฺปยุตฺตํ อนาสวญฺจ ธมฺมํ ปฏิจฺจ นเหตุ อาสววิปฺปยุตฺโต นอนาสโว ธมฺโม อุปฺปชฺชติ เหตุปจฺจยา. เหตุยา ตีณิ.