๕๕-๖๘-๑. มหนฺตรทุกาทิ-เหตุทุกํ

๖๓. สารมฺมณํ เหตุํ ธมฺมํ ปฏิจฺจ นสารมฺมโณ นเหตุ ธมฺโม อุปฺปชฺชติ เหตุปจฺจยา… เหตุยา ตีณิ.

สารมฺมณํ นเหตุํ ธมฺมํ ปฏิจฺจ นอนารมฺมโณ นนเหตุ ธมฺโม อุปฺปชฺชติ เหตุปจฺจยา. อนารมฺมณํ นเหตุํ ธมฺมํ ปฏิจฺจ นอนารมฺมโณ นนเหตุ ธมฺโม อุปฺปชฺชติ เหตุปจฺจยา. สารมฺมณํ นเหตุญฺจ อนารมฺมณํ นเหตุญฺจ ธมฺมํ ปฏิจฺจ นอนารมฺมโณ นนเหตุ ธมฺโม อุปฺปชฺชติ เหตุปจฺจยา. เหตุยา ตีณิ.

๖๔. โนจิตฺตํ เหตุํ ธมฺมํ ปฏิจฺจ นโนจิตฺโต นเหตุ ธมฺโม อุปฺปชฺชติ เหตุปจฺจยา… เหตุยา ตีณิ.

จิตฺตํ นเหตุํ ธมฺมํ ปฏิจฺจ โนจิตฺโต นนเหตุ ธมฺโม อุปฺปชฺชติ เหตุปจฺจยา… เหตุยา ตีณิ.

๖๕. เจตสิกํ เหตุํ ธมฺมํ ปฏิจฺจ นเจตสิโก นเหตุ ธมฺโม อุปฺปชฺชติ เหตุปจฺจยา… เหตุยา ตีณิ.

เจตสิกํ นเหตุํ ธมฺมํ ปฏิจฺจ นอเจตสิโก นนเหตุ ธมฺโม อุปฺปชฺชติ เหตุปจฺจยา… เหตุยา ตีณิ.

๖๖. จิตฺตสมฺปยุตฺตํ เหตุํ ธมฺมํ ปฏิจฺจ นจิตฺตสมฺปยุตฺโต นเหตุ ธมฺโม อุปฺปชฺชติ เหตุปจฺจยา… เหตุยา ตีณิ. (สํขิตฺตํ.)

๖๗. จิตฺตสํสฏฺฐํ เหตุํ ธมฺมํ ปฏิจฺจ นจิตฺตสํสฏฺโฐ นเหตุ ธมฺโม อุปฺปชฺชติ เหตุปจฺจยา… เหตุยา ตีณิ.

๖๘. จิตฺตสมุฏฺฐานํ เหตุํ ธมฺมํ ปฏิจฺจ โนจิตฺตสมุฏฺฐาโน นเหตุ ธมฺโม อุปฺปชฺชติ เหตุปจฺจยา… เหตุยา ตีณิ.

๖๙. จิตฺตสหภุํ เหตุํ ธมฺมํ ปฏิจฺจ โนจิตฺตสหภู นเหตุ ธมฺโม อุปฺปชฺชติ เหตุปจฺจยา… เหตุยา ตีณิ.

๗๐. จิตฺตานุปริวตฺตึ เหตุํ ธมฺมํ ปฏิจฺจ โนจิตฺตานุปริวตฺตี นเหตุ ธมฺโม อุปฺปชฺชติ เหตุปจฺจยา… เหตุยา ตีณิ.

๗๑. จิตฺตสํสฏฺฐสมุฏฺฐานํ เหตุํ ธมฺมํ ปฏิจฺจ โนจิตฺตสํสฏฺฐสมุฏฺฐาโน นเหตุ ธมฺโม อุปฺปชฺชติ เหตุปจฺจยา… เหตุยา ตีณิ.

๗๒. จิตฺตสํสฏฺฐสมุฏฺฐานสหภุํ เหตุํ ธมฺมํ ปฏิจฺจ โนจิตฺตสํสฏฺฐสมุฏฺฐานสหภู นเหตุ ธมฺโม อุปฺปชฺชติ เหตุปจฺจยา… เหตุยา ตีณิ.

๗๓. จิตฺตสํสฏฺฐสมุฏฺฐานานุปริวตฺตึ เหตุํ ธมฺมํ ปฏิจฺจ โนจิตฺตสํสฏฺฐสมุฏฺฐานานุปริวตฺตี นเหตุ ธมฺโม อุปฺปชฺชติ เหตุปจฺจยา… เหตุยา ตีณิ.

๗๔. พาหิรํ เหตุํ ธมฺมํ ปฏิจฺจ นพาหิโร นเหตุ ธมฺโม อุปฺปชฺชติ เหตุปจฺจยา… เหตุยา ตีณิ.

อชฺฌตฺติกํ นเหตุํ ธมฺมํ ปฏิจฺจ นอชฺฌตฺติโก นนเหตุ ธมฺโม อุปฺปชฺชติ เหตุปจฺจยา… เหตุยา ตีณิ.

๗๕. โนอุปาทา เหตุํ ธมฺมํ ปฏิจฺจ นโนอุปาทา นเหตุ ธมฺโม อุปฺปชฺชติ เหตุปจฺจยา… เหตุยา ตีณิ.

อุปาทา นเหตุํ ธมฺมํ ปฏิจฺจ โนอุปาทา นนเหตุ ธมฺโม อุปฺปชฺชติ เหตุปจฺจยา… เหตุยา ตีณิ.

๗๖. อุปาทินฺนํ เหตุํ ธมฺมํ ปฏิจฺจ นอุปาทินฺโน นเหตุ ธมฺโม อุปฺปชฺชติ เหตุปจฺจยา… ตีณิ.

อนุปาทินฺนํ เหตุํ ธมฺมํ ปฏิจฺจ นอุปาทินฺโน นเหตุ ธมฺโม อุปฺปชฺชติ เหตุปจฺจยา. เอกํ… เหตุยา จตฺตาริ.

อุปาทินฺนํ นเหตุํ ธมฺมํ ปฏิจฺจ นอนุปาทินฺโน นนเหตุ ธมฺโม อุปฺปชฺชติ เหตุปจฺจยา. เอกํ.

อนุปาทินฺนํ นเหตุํ ธมฺมํ ปฏิจฺจ นอุปาทินฺโน นนเหตุ ธมฺโม อุปฺปชฺชติ เหตุปจฺจยา. เอกํ… เหตุยา เทฺว.