๑๖-๑. อาสวสมฺปยุตฺตทุก-เหตุทุกํ

๕๓. อาสวสมฺปยุตฺตํ เหตุํ ธมฺมํ ปฏิจฺจ นอาสวสมฺปยุตฺโต นเหตุ ธมฺโม อุปฺปชฺชติ เหตุปจฺจยา… ตีณิ.

อาสววิปฺปยุตฺตํ เหตุํ ธมฺมํ ปฏิจฺจ นอาสววิปฺปยุตฺโต นเหตุ ธมฺโม อุปฺปชฺชติ เหตุปจฺจยา… ตีณิ.

อาสวสมฺปยุตฺตํ เหตุญฺจ อาสววิปฺปยุตฺตํ เหตุญฺจ ธมฺมํ ปฏิจฺจ นอาสวสมฺปยุตฺโต นเหตุ ธมฺโม อุปฺปชฺชติ เหตุปจฺจยา… ตีณิ… เหตุยา นว.

อาสวสมฺปยุตฺตํ นเหตุํ ธมฺมํ ปฏิจฺจ นอาสวสมฺปยุตฺโต นนเหตุ ธมฺโม อุปฺปชฺชติ เหตุปจฺจยา… ตีณิ.

อาสววิปฺปยุตฺตํ นเหตุํ ธมฺมํ ปฏิจฺจ นอาสวสมฺปยุตฺโต นนเหตุ ธมฺโม อุปฺปชฺชติ เหตุปจฺจยา. เอกํ… เหตุยา จตฺตาริ.