๑-๑. เหตุทุก-สเหตุกทุกํ

๑. เหตุํ สเหตุกํ ธมฺมํ ปฏิจฺจ นเหตุ นสเหตุโก ธมฺโม อุปฺปชฺชติ เหตุปจฺจยา. นเหตุํ สเหตุกํ ธมฺมํ ปฏิจฺจ นเหตุ นสเหตุโก ธมฺโม อุปฺปชฺชติ เหตุปจฺจยา. เหตุํ สเหตุกญฺจ นเหตุํ สเหตุกญฺจ ธมฺมํ ปฏิจฺจ นเหตุ นสเหตุโก ธมฺโม อุปฺปชฺชติ เหตุปจฺจยา. (สํขิตฺตํ.) เหตุยา ตีณิ, อารมฺมเณ เอกํ…เป… อวิคเต ปญฺจ.

๒. นเหตุํ สเหตุกํ ธมฺมํ ปฏิจฺจ นนเหตุ นสเหตุโก ธมฺโม อุปฺปชฺชติ นเหตุปจฺจยา… (สํขิตฺตํ.) นเหตุยา เอกํ, นอารมฺมเณ ตีณิ…เป… โนวิคเต ตีณิ.

(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ.)

เหตุ-อารมฺมณปจฺจยา

๓. เหตุ สเหตุโก ธมฺโม นเหตุสฺส นสเหตุกสฺส ธมฺมสฺส เหตุปจฺจเยน ปจฺจโย. (๑)

เหตุ สเหตุโก ธมฺโม นเหตุสฺส นสเหตุกสฺส ธมฺมสฺส อารมฺมณปจฺจเยน ปจฺจโย. เหตุ สเหตุโก ธมฺโม นนเหตุสฺส นสเหตุกสฺส ธมฺมสฺส อารมฺมณปจฺจเยน ปจฺจโย. เหตุ สเหตุโก ธมฺโม นเหตุสฺส นสเหตุกสฺส จ นนเหตุสฺส นสเหตุกสฺส จ ธมฺมสฺส อารมฺมณปจฺจเยน ปจฺจโย. (๓)

นเหตุ สเหตุโก ธมฺโม นนเหตุสฺส นสเหตุกสฺส ธมฺมสฺส อารมฺมณปจฺจเยน ปจฺจโย. นเหตุ สเหตุโก ธมฺโม นเหตุสฺส นสเหตุกสฺส ธมฺมสฺส อารมฺมณปจฺจเยน ปจฺจโย. นเหตุ สเหตุโก ธมฺโม นเหตุสฺส นสเหตุกสฺส จ นนเหตุสฺส นสเหตุกสฺส จ ธมฺมสฺส อารมฺมณปจฺจเยน ปจฺจโย. (๓) (สํขิตฺตํ.)

เหตุยา เอกํ, อารมฺมเณ ฉ, อธิปติยา เทฺว…เป… อวิคเต ปญฺจ. (ปญฺหาวารํ วิตฺถาเรตพฺพํ.)

๔. เหตุํ อเหตุกํ ธมฺมํ ปฏิจฺจ นเหตุ นอเหตุโก ธมฺโม อุปฺปชฺชติ เหตุปจฺจยา. (๑)

นเหตุํ อเหตุกํ ธมฺมํ ปฏิจฺจ นนเหตุ นอเหตุโก ธมฺโม อุปฺปชฺชติ เหตุปจฺจยา… ตีณิ. (สํขิตฺตํ.) เหตุยา จตฺตาริ.