๑-๓. กุสลตฺติก-อุปาทินฺนตฺติกํ

๑๒. อพฺยากตํ อุปาทินฺนุปาทานิยํ ธมฺมํ ปฏิจฺจ นกุสโล นอุปาทินฺนุปาทานิโย ธมฺโม อุปฺปชฺชติ เหตุปจฺจยา. อพฺยากตํ อุปาทินฺนุปาทานิยํ ธมฺมํ ปฏิจฺจ นอกุสโล นอุปาทินฺนุปาทานิโย ธมฺโม อุปฺปชฺชติ เหตุปจฺจยา. อพฺยากตํ อุปาทินฺนุปาทานิยํ ธมฺมํ ปฏิจฺจ นกุสโล นอุปาทินฺนุปาทานิโย จ นอกุสโล นอุปาทินฺนุปาทานิโย จ ธมฺมา อุปฺปชฺชนฺติ เหตุปจฺจยา. เหตุยา ตีณิ.

๑๓. กุสโล อนุปาทินฺนุปาทานิโย ธมฺโม นกุสลสฺส นอนุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโย. กุสโล อนุปาทินฺนุปาทานิโย ธมฺโม นอกุสลสฺส นอนุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโย. กุสโล อนุปาทินฺนุปาทานิโย ธมฺโม นกุสลสฺส นอนุปาทินฺนุปาทานิยสฺส จ นอกุสลสฺส นอนุปาทินฺนุปาทานิยสฺส จ ธมฺมสฺส อารมฺมณปจฺจเยน ปจฺจโย. ตีณิ.

อกุสเล ตีณิ. อพฺยากตํ อนุปาทินฺนุปาทานิเย ตีณิเยว…เป….

๑๔. กุสลํ อนุปาทินฺนอนุปาทานิยํ ธมฺมํ ปฏิจฺจ นกุสโล นอนุปาทินฺนอนุปาทานิโย ธมฺโม อุปฺปชฺชติ เหตุปจฺจยา… ตีณิ.

อพฺยากตํ อนุปาทินฺนอนุปาทานิยํ ธมฺมํ ปฏิจฺจ นกุสโล นอนุปาทินฺนอนุปาทานิโย ธมฺโม อุปฺปชฺชติ เหตุปจฺจยา… ตีณิ. …เหตุยา ฉ.