๔-๑. อุปาทินฺนตฺติก-กุสลตฺติกํ

๔๐. อนุปาทินฺนุปาทานิยํ กุสลํ ธมฺมํ ปฏิจฺจ นอุปาทินฺนุปาทานิโย นกุสโล ธมฺโม อุปฺปชฺชติ เหตุปจฺจยา… ตีณิ.

อนุปาทินฺนอนุปาทานิยํ กุสลํ ธมฺมํ ปฏิจฺจ นอนุปาทินฺนอนุปาทานิโย นกุสโล ธมฺโม อุปฺปชฺชติ เหตุปจฺจยา… ตีณิ เหตุยา ฉ.

อนุปาทินฺนุปาทานิยํ อกุสลํ ธมฺมํ ปฏิจฺจ นอุปาทินฺนุปาทานิโย นอกุสโล ธมฺโม อุปฺปชฺชติ เหตุปจฺจยา… เหตุยา ตีณิ.

อุปาทินฺนุปาทานิยํ อพฺยากตํ ธมฺมํ ปจฺจยา นอุปาทินฺนุปาทานิโย นอพฺยากโต ธมฺโม อุปฺปชฺชติ เหตุปจฺจยา… เหตุยา ปญฺจ.