๒๒-๘๓. สนิทสฺสนตฺติก-ทสฺสเนนปหาตพฺพทุกํ

๑๒๘. อนิทสฺสนอปฺปฏิฆํ ทสฺสเนน ปหาตพฺพํ ธมฺมํ ปฏิจฺจ นอนิทสฺสนอปฺปฏิโฆ นทสฺสเนน ปหาตพฺโพ ธมฺโม อุปฺปชฺชติ เหตุปจฺจยา… เหตุยา ฉ.

อนิทสฺสนอปฺปฏิฆํ นทสฺสเนน ปหาตพฺพํ ธมฺมํ ปจฺจยา นสนิทสฺสนสปฺปฏิโฆ นนทสฺสเนน ปหาตพฺโพ ธมฺโม อุปฺปชฺชติ เหตุปจฺจยา. อนิทสฺสนอปฺปฏิฆํ นทสฺสเนน ปหาตพฺพํ ธมฺมํ ปจฺจยา นอนิทสฺสนสปฺปฏิโฆ นนทสฺสเนน ปหาตพฺโพ ธมฺโม อุปฺปชฺชติ เหตุปจฺจยา. อนิทสฺสนอปฺปฏิฆํ นทสฺสเนน ปหาตพฺพํ ธมฺมํ ปจฺจยา นสนิทสฺสนสปฺปฏิโฆ นนทสฺสเนน ปหาตพฺโพ จ นอนิทสฺสนสปฺปฏิโฆ นนทสฺสเนน ปหาตพฺโพ จ ธมฺมา อุปฺปชฺชนฺติ เหตุปจฺจยา. เหตุยา ตีณิ.