๒๒-๑๔. สนิทสฺสนตฺติก-อาสวทุกํ

๑๐๑. อนิทสฺสนอปฺปฏิฆํ อาสวํ ธมฺมํ ปฏิจฺจ นอนิทสฺสนอปฺปฏิโฆ โนอาสโว ธมฺโม อุปฺปชฺชติ เหตุปจฺจยา. อนิทสฺสนอปฺปฏิฆํ อาสวํ ธมฺมํ ปฏิจฺจ นสนิทสฺสนสปฺปฏิโฆ โนอาสโว ธมฺโม อุปฺปชฺชติ เหตุปจฺจยา…เป… อนิทสฺสนอปฺปฏิฆํ อาสวํ ธมฺมํ ปฏิจฺจ นสนิทสฺสนสปฺปฏิโฆ โนอาสโว จ นอนิทสฺสนสปฺปฏิโฆ โนอาสโว จ ธมฺมา อุปฺปชฺชนฺติ เหตุปจฺจยา… เหตุยา ฉ.

อนิทสฺสนอปฺปฏิฆํ โนอาสวํ ธมฺมํ ปฏิจฺจ นสนิทสฺสนสปฺปฏิโฆ นโนอาสโว ธมฺโม อุปฺปชฺชติ เหตุปจฺจยา. อนิทสฺสนอปฺปฏิฆํ โนอาสวํ ธมฺมํ ปฏิจฺจ นอนิทสฺสนสปฺปฏิโฆ นโนอาสโว ธมฺโม อุปฺปชฺชติ เหตุปจฺจยา. อนิทสฺสนอปฺปฏิฆํ โนอาสวํ ธมฺมํ ปฏิจฺจ นสนิทสฺสนสปฺปฏิโฆ นโนอาสโว จ นอนิทสฺสนสปฺปฏิโฆ นโนอาสโว จ ธมฺมา อุปฺปชฺชนฺติ เหตุปจฺจยา. เหตุยา ตีณิ.