๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๖. กุสลํ สเหตุกํ ธมฺมํ ปฏิจฺจ นกุสโล นสเหตุโก ธมฺโม อุปฺปชฺชติ เหตุปจฺจยา. กุสลํ สเหตุกํ ธมฺมํ ปฏิจฺจ นอกุสโล นสเหตุโก ธมฺโม อุปฺปชฺชติ เหตุปจฺจยา. กุสลํ สเหตุกํ ธมฺมํ ปฏิจฺจ นกุสโล นสเหตุโก จ นอกุสโล นสเหตุโก จ ธมฺมา อุปฺปชฺชนฺติ เหตุปจฺจยา. ตีณิ.

อกุสลํ สเหตุกํ ธมฺมํ ปฏิจฺจ นอกุสโล นสเหตุโก ธมฺโม อุปฺปชฺชติ เหตุปจฺจยา. อกุสลํ สเหตุกํ ธมฺมํ ปฏิจฺจ นกุสโล นสเหตุโก ธมฺโม อุปฺปชฺชติ เหตุปจฺจยา. อกุสลํ สเหตุกํ ธมฺมํ ปฏิจฺจ นกุสโล นสเหตุโก จ นอกุสโล นสเหตุโก จ ธมฺมา อุปฺปชฺชนฺติ เหตุปจฺจยา. ตีณิ.

อพฺยากตํ สเหตุกํ ธมฺมํ ปฏิจฺจ นกุสโล นสเหตุโก ธมฺโม อุปฺปชฺชติ เหตุปจฺจยา. อพฺยากตํ สเหตุกํ ธมฺมํ ปฏิจฺจ นอกุสโล นสเหตุโก ธมฺโม อุปฺปชฺชติ เหตุปจฺจยา. อพฺยากตํ สเหตุกํ ธมฺมํ ปฏิจฺจ นกุสโล นสเหตุโก จ นอกุสโล นสเหตุโก จ ธมฺมา อุปฺปชฺชนฺติ เหตุปจฺจยา. ตีณิ.

เหตุยา นว, อารมฺมเณ ตีณิ…เป… อวิคเต เอกาทส. (สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ.)

๗. กุสโล สเหตุโก ธมฺโม นกุสลสฺส นสเหตุกสฺส ธมฺมสฺส เหตุปจฺจเยน ปจฺจโย. กุสโล สเหตุโก ธมฺโม นอกุสลสฺส นสเหตุกสฺส ธมฺมสฺส เหตุปจฺจเยน ปจฺจโย. กุสโล สเหตุโก ธมฺโม นกุสลสฺส นสเหตุกสฺส จ นอกุสลสฺส นสเหตุกสฺส จ ธมฺมสฺส เหตุปจฺจเยน ปจฺจโย. ตีณิ.

อกุสโล สเหตุโก ธมฺโม นอกุสลสฺส นสเหตุกสฺส ธมฺมสฺส เหตุปจฺจเยน ปจฺจโย. อกุสโล สเหตุโก ธมฺโม นกุสลสฺส นสเหตุกสฺส ธมฺมสฺส เหตุปจฺจเยน ปจฺจโย. อกุสโล สเหตุโก ธมฺโม นกุสลสฺส นสเหตุกสฺส จ นอกุสลสฺส นสเหตุกสฺส จ ธมฺมสฺส เหตุปจฺจเยน ปจฺจโย. ตีณิ.

อพฺยากโต สเหตุโก ธมฺโม นกุสลสฺส นสเหตุกสฺส ธมฺมสฺส เหตุปจฺจเยน ปจฺจโย. อพฺยากโต สเหตุโก ธมฺโม นอกุสลสฺส นสเหตุกสฺส ธมฺมสฺส เหตุปจฺจเยน ปจฺจโย. อพฺยากโต สเหตุโก ธมฺโม นกุสลสฺส นสเหตุกสฺส จ นอกุสลสฺส นสเหตุกสฺส จ ธมฺมสฺส เหตุปจฺจเยน ปจฺจโย. ตีณิ. (สํขิตฺตํ.)

๘. เหตุยา นว, อารมฺมเณ ปนฺนรส…เป… อวิคเต เอกาทส.

๙. อกุสลํ อเหตุกํ ธมฺมํ ปฏิจฺจ นกุสโล นอเหตุโก ธมฺโม อุปฺปชฺชติ เหตุปจฺจยา. อกุสลํ อเหตุกํ ธมฺมํ ปฏิจฺจ นอพฺยากโต นอเหตุโก ธมฺโม อุปฺปชฺชติ เหตุปจฺจยา. อกุสลํ อเหตุกํ ธมฺมํ ปฏิจฺจ นกุสโล นอเหตุโก จ นอพฺยากโต นอเหตุโก จ ธมฺมา อุปฺปชฺชนฺติ เหตุปจฺจยา. ตีณิ.

อพฺยากตํ อเหตุกํ ธมฺมํ ปฏิจฺจ นกุสโล นอเหตุโก ธมฺโม อุปฺปชฺชติ เหตุปจฺจยา. อพฺยากตํ อเหตุกํ ธมฺมํ ปฏิจฺจ นอกุสโล นอเหตุโก ธมฺโม อุปฺปชฺชติ เหตุปจฺจยา. อพฺยากตํ อเหตุกํ ธมฺมํ ปฏิจฺจ นกุสโล นอเหตุโก จ นอกุสโล นอเหตุโก จ ธมฺมา อุปฺปชฺชนฺติ เหตุปจฺจยา. ตีณิ.

เหตุยา ฉ, อารมฺมเณ ฉ…เป… อวิคเต ฉ.