๑-๖๑. กุสลตฺติก-จิตฺตสหภูทุกํ

๔๐. กุสลํ จิตฺตสหภุํ ธมฺมํ ปฏิจฺจ นกุสโล นจิตฺตสหภู ธมฺโม อุปฺปชฺชติ เหตุปจฺจยา… ปญฺจ.

อกุสลํ จิตฺตสหภุํ ธมฺมํ ปฏิจฺจ นอกุสโล นจิตฺตสหภู ธมฺโม อุปฺปชฺชติ เหตุปจฺจยา… ปญฺจ.

อพฺยากตํ จิตฺตสหภุํ ธมฺมํ ปฏิจฺจ นกุสโล นจิตฺตสหภู ธมฺโม อุปฺปชฺชติ เหตุปจฺจยา… ตีณิ. เหตุยา เตรส…เป… อวิคเต เตรส.

๔๑. กุสลํ โนจิตฺตสหภุํ ธมฺมํ ปฏิจฺจ นกุสโล นโนจิตฺตสหภู ธมฺโม อุปฺปชฺชติ เหตุปจฺจยา… ปญฺจ.

อกุสลํ โนจิตฺตสหภุํ ธมฺมํ ปฏิจฺจ นอกุสโล นโนจิตฺตสหภู ธมฺโม อุปฺปชฺชติ เหตุปจฺจยา… ปญฺจ.

อพฺยากตํ โนจิตฺตสหภุํ ธมฺมํ ปฏิจฺจ นกุสโล นโนจิตฺตสหภู ธมฺโม อุปฺปชฺชติ เหตุปจฺจยา… ตีณิ. (สํขิตฺตํ.) เหตุยา เตรส…เป… อวิคเต เตรส.