ปจฺจนียํ

นอารมฺมณปจฺจโย

๒. กุสลํ เหตุํ ธมฺมํ ปฏิจฺจ นกุสโล นเหตุ ธมฺโม อุปฺปชฺชติ นอารมฺมณปจฺจยา. (สํขิตฺตํ.)

นอารมฺมเณ นว, นอธิปติยา เตรส…เป… นวิปฺปยุตฺเต นว.

(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํ.)

เหตุ-อารมฺมณปจฺจยา

๓. กุสโล เหตุ ธมฺโม นกุสลสฺส นเหตุสฺส ธมฺมสฺส เหตุปจฺจเยน ปจฺจโย. กุสโล เหตุ ธมฺโม นอกุสลสฺส นเหตุสฺส ธมฺมสฺส เหตุปจฺจเยน ปจฺจโย. กุสโล เหตุ ธมฺโม นอพฺยากตสฺส นเหตุสฺส ธมฺมสฺส เหตุปจฺจเยน ปจฺจโย. กุสโล เหตุ ธมฺโม นอกุสลสฺส นเหตุสฺส จ นอพฺยากตสฺส นเหตุสฺส จ ธมฺมสฺส เหตุปจฺจเยน ปจฺจโย. กุสโล เหตุ ธมฺโม นกุสลสฺส นเหตุสฺส จ นอกุสลสฺส นเหตุสฺส จ ธมฺมสฺส เหตุปจฺจเยน ปจฺจโย. (๕)

อกุสโล เหตุ ธมฺโม นอกุสลสฺส นเหตุสฺส ธมฺมสฺส เหตุปจฺจเยน ปจฺจโย… ปญฺจ.

อพฺยากโต เหตุ ธมฺโม นกุสลสฺส นเหตุสฺส ธมฺมสฺส เหตุปจฺจเยน ปจฺจโย… ตีณิ.

กุสโล เหตุ ธมฺโม นกุสลสฺส นเหตุสฺส ธมฺมสฺส อารมฺมณปจฺจเยน ปจฺจโย. (สํขิตฺตํ.)

๔. เหตุยา เตรส, อารมฺมเณ อฏฺฐารส…เป… อวิคเต เตรส. (ปญฺหาวารํ วิตฺถาเรตพฺพํ.)

๕. กุสลํ นเหตุํ ธมฺมํ ปฏิจฺจ นอกุสโล นนเหตุ ธมฺโม อุปฺปชฺชติ เหตุปจฺจยา. กุสลํ นเหตุํ ธมฺมํ ปฏิจฺจ นอพฺยากโต นนเหตุ ธมฺโม อุปฺปชฺชติ เหตุปจฺจยา. (สํขิตฺตํ.)

เหตุยา นว, อารมฺมเณ นว…เป… อวิคเต นว. (สพฺพตฺถ นว.)