๑๐๐-๑. สรณทุก-กุสลตฺติกํ

๗๙. อรณํ กุสลํ ธมฺมํ ปฏิจฺจ นสรโณ นกุสโล ธมฺโม อุปฺปชฺชติ เหตุปจฺจยา. เหตุยา เอกํ.

สรณํ อกุสลํ ธมฺมํ ปฏิจฺจ นสรโณ นอกุสโล ธมฺโม อุปฺปชฺชติ เหตุปจฺจยา. เหตุยา เอกํ.

อรณํ อพฺยากตํ ธมฺมํ ปจฺจยา นอรโณ นอพฺยากโต ธมฺโม อุปฺปชฺชติ เหตุปจฺจยา. อรณํ อพฺยากตํ ธมฺมํ ปจฺจยา นสรโณ นอพฺยากโต ธมฺโม อุปฺปชฺชติ เหตุปจฺจยา. เหตุยา เทฺว. (สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ.)

๘๐. อรโณ อพฺยากโต ธมฺโม นอรณสฺส นอพฺยากตสฺส ธมฺมสฺส อารมฺมณปจฺจเยน ปจฺจโย. อรโณ อพฺยากโต ธมฺโม นสรณสฺส นอพฺยากตสฺส ธมฺมสฺส อารมฺมณปจฺจเยน ปจฺจโย. (๒)

อารมฺมเณ เทฺว…เป… อวิคเต เทฺว.