๗. ปญฺหาวาโร

๕๔. สรโณ ธมฺโม นสรณสฺส ธมฺมสฺส เหตุปจฺจเยน ปจฺจโย. สรโณ ธมฺโม นอรณสฺส ธมฺมสฺส เหตุปจฺจเยน ปจฺจโย. สรโณ ธมฺโม นสรณสฺส จ นอรณสฺส จ ธมฺมสฺส เหตุปจฺจเยน ปจฺจโย. (๓)

อรโณ ธมฺโม นสรณสฺส ธมฺมสฺส เหตุปจฺจเยน ปจฺจโย. (๑)

๕๕. สรโณ ธมฺโม นสรณสฺส ธมฺมสฺส อารมฺมณปจฺจเยน ปจฺจโย. สรโณ ธมฺโม นอรณสฺส ธมฺมสฺส อารมฺมณปจฺจเยน ปจฺจโย. (สํขิตฺตํ.)

เหตุยา จตฺตาริ, อารมฺมเณ จตฺตาริ, อธิปติยา ปญฺจ, อนนฺตเร จตฺตาริ…เป… อวิคเต สตฺต.

ปจฺจนียุทฺธาโร

๕๖. สรโณ ธมฺโม นสรณสฺส ธมฺมสฺส อารมฺมณปจฺจเยน ปจฺจโย, สหชาตปจฺจเยน ปจฺจโย, อุปนิสฺสยปจฺจเยน ปจฺจโย, ปจฺฉาชาตปจฺจเยน ปจฺจโย, กมฺมปจฺจเยน ปจฺจโย.

สรโณ ธมฺโม นอรณสฺส ธมฺมสฺส อารมฺมณปจฺจเยน ปจฺจโย, สหชาตปจฺจเยน ปจฺจโย, อุปนิสฺสยปจฺจเยน ปจฺจโย. (สํขิตฺตํ.)

๕๗. นเหตุยา สตฺต, นอารมฺมเณ สตฺต, นอธิปติยา สตฺต, นอนนฺตเร สตฺต…เป… โนอวิคเต จตฺตาริ.

เหตุปจฺจยา นอารมฺมเณ จตฺตาริ. (สํขิตฺตํ.)

นเหตุปจฺจยา อารมฺมเณ จตฺตาริ. (สํขิตฺตํ.)

(ยถา กุสลตฺติเก ปญฺหาวารํ เอวํ วิตฺถาเรตพฺพํ.)

ธมฺมานุโลมปจฺจนีเย ทุกปฏฺฐานํ นิฏฺฐิตํ.