๑-๗. ปฏิจฺจวาราทิ

เหตุปจฺจโย

๑๓๑. อนิทสฺสนอปฺปฏิฆํ กุสลํ ธมฺมํ ปฏิจฺจ อนิทสฺสนอปฺปฏิโฆ กุสโล ธมฺโม อุปฺปชฺชติ เหตุปจฺจยา. (สพฺพตฺถ เอกํ.)

อนิทสฺสนอปฺปฏิฆํ อกุสลํ ธมฺมํ ปฏิจฺจ อนิทสฺสนอปฺปฏิโฆ อกุสโล ธมฺโม อุปฺปชฺชติ เหตุปจฺจยา. (สพฺพตฺถ เอกํ.)

๑๓๒. อนิทสฺสนสปฺปฏิฆํ อพฺยากตํ ธมฺมํ ปฏิจฺจ อนิทสฺสนสปฺปฏิโฆ อพฺยากโต ธมฺโม อุปฺปชฺชติ เหตุปจฺจยา (เอกํ). อนิทสฺสนสปฺปฏิฆํ อพฺยากตํ ธมฺมํ ปฏิจฺจ สนิทสฺสนสปฺปฏิโฆ อพฺยากโต ธมฺโม อุปฺปชฺชติ เหตุปจฺจยา (เทฺว). อนิทสฺสนสปฺปฏิฆํ อพฺยากตํ ธมฺมํ ปฏิจฺจ อนิทสฺสนอปฺปฏิโฆ อพฺยากโต ธมฺโม อุปฺปชฺชติ เหตุปจฺจยา (ตีณิ). อนิทสฺสนสปฺปฏิฆํ อพฺยากตํ ธมฺมํ ปฏิจฺจ สนิทสฺสนสปฺปฏิโฆ อพฺยากโต จ อนิทสฺสนอปฺปฏิโฆ อพฺยากโต จ ธมฺมา อุปฺปชฺชนฺติ เหตุปจฺจยา (จตฺตาริ). อนิทสฺสนสปฺปฏิฆํ อพฺยากตํ ธมฺมํ ปฏิจฺจ อนิทสฺสนสปฺปฏิโฆ อพฺยากโต จ อนิทสฺสนอปฺปฏิโฆ อพฺยากโต จ ธมฺมา อุปฺปชฺชนฺติ เหตุปจฺจยา (ปญฺจ). อนิทสฺสนสปฺปฏิฆํ อพฺยากตํ ธมฺมํ ปฏิจฺจ สนิทสฺสนสปฺปฏิโฆ อพฺยากโต จ อนิทสฺสนสปฺปฏิโฆ อพฺยากโต จ ธมฺมา อุปฺปชฺชนฺติ เหตุปจฺจยา (ฉ). อนิทสฺสนสปฺปฏิฆํ อพฺยากตํ ธมฺมํ ปฏิจฺจ สนิทสฺสนสปฺปฏิโฆ อพฺยากโต จ อนิทสฺสนสปฺปฏิโฆ อพฺยากโต จ อนิทสฺสนอปฺปฏิโฆ อพฺยากโต จ ธมฺมา อุปฺปชฺชนฺติ เหตุปจฺจยา (สตฺต).

๑๓๓. อนิทสฺสนอปฺปฏิฆํ อพฺยากตํ ธมฺมํ ปฏิจฺจ อนิทสฺสนอปฺปฏิโฆ อพฺยากโต ธมฺโม อุปฺปชฺชติ เหตุปจฺจยา (สตฺต). อนิทสฺสนอปฺปฏิฆํ อพฺยากตญฺจ อนิทสฺสนสปฺปฏิฆํ อพฺยากตญฺจ ธมฺมํ ปฏิจฺจ สนิทสฺสนสปฺปฏิโฆ อพฺยากโต ธมฺโม อุปฺปชฺชติ เหตุปจฺจยา (สตฺต, สํขิตฺตํ).

๑๓๔. เหตุยา เอกวีส, อวิคเต เอกวีส. (สํขิตฺตํ.)

(สหชาตวารมฺปิ…เป… ปญฺหาวารมฺปิ วิตฺถาเรตพฺพํ.)

ธมฺมานุโลเม ติกติกปฏฺฐานํ นิฏฺฐิตํ.