๑-๗. ปฏิจฺจวาราทิ

เหตุปจฺจโย

๑๒๐. มคฺคารมฺมณํ กุสลํ ธมฺมํ ปฏิจฺจ มคฺคารมฺมโณ กุสโล ธมฺโม อุปฺปชฺชติ เหตุปจฺจยา… ตีณิ.

มคฺคเหตุกํ กุสลํ ธมฺมํ ปฏิจฺจ มคฺคเหตุโก กุสโล ธมฺโม อุปฺปชฺชติ เหตุปจฺจยา… ตีณิ.

มคฺคาธิปตึ กุสลํ ธมฺมํ ปฏิจฺจ มคฺคาธิปติ กุสโล ธมฺโม อุปฺปชฺชติ เหตุปจฺจยา… ปญฺจ.

มคฺคารมฺมณํ กุสลญฺจ มคฺคาธิปตึ กุสลญฺจ ธมฺมํ ปฏิจฺจ มคฺคารมฺมโณ กุสโล ธมฺโม อุปฺปชฺชติ เหตุปจฺจยา… ตีณิ.

มคฺคเหตุกํ กุสลญฺจ มคฺคาธิปตึ กุสลญฺจ ธมฺมํ ปฏิจฺจ มคฺคเหตุโก กุสโล ธมฺโม อุปฺปชฺชติ เหตุปจฺจยา… ตีณิ. (สํขิตฺตํ.)

เหตุยา สตฺตรส…เป… อวิคเต สตฺตรส. (สํขิตฺตํ.)

๑๒๑. มคฺคารมฺมณํ อพฺยากตํ ธมฺมํ ปฏิจฺจ มคฺคารมฺมโณ อพฺยากโต ธมฺโม อุปฺปชฺชติ เหตุปจฺจยา… ตีณิ.

มคฺคาธิปตึ อพฺยากตํ ธมฺมํ ปฏิจฺจ มคฺคาธิปติ อพฺยากโต ธมฺโม อุปฺปชฺชติ เหตุปจฺจยา… ตีณิ.

(สพฺพตฺถ วิตฺถาโร.)