๑-๗. ปฏิจฺจวาราทิ

เหตุปจฺจโย

๑๑๘. สมฺมตฺตนิยตํ กุสลํ ธมฺมํ ปฏิจฺจ สมฺมตฺตนิยโต กุสโล ธมฺโม อุปฺปชฺชติ เหตุปจฺจยา. (๑)

อนิยตํ กุสลํ ธมฺมํ ปฏิจฺจ อนิยโต กุสโล ธมฺโม อุปฺปชฺชติ เหตุปจฺจยา. (๑) (สพฺพตฺถ เทฺว. สพฺพตฺถ วิตฺถาโร.)

๑๑๙. มิจฺฉตฺตนิยตํ อกุสลํ ธมฺมํ ปฏิจฺจ มิจฺฉตฺตนิยโต อกุสโล ธมฺโม อุปฺปชฺชติ เหตุปจฺจยา. (๑)

อนิยตํ อกุสลํ ธมฺมํ ปฏิจฺจ อนิยโต อกุสโล ธมฺโม อุปฺปชฺชติ เหตุปจฺจยา. (๑) (สพฺพตฺถ เทฺว. สพฺพตฺถ วิตฺถาโร.)

อนิยตํ อพฺยากตํ ธมฺมํ ปฏิจฺจ อนิยโต อพฺยากโต ธมฺโม อุปฺปชฺชติ เหตุปจฺจยา. (สพฺพตฺถ เอกํ.)