๑-๗. ปฏิจฺจวาราทิ

เหตุปจฺจโย

๑๑๐. ปริตฺตํ กุสลํ ธมฺมํ ปฏิจฺจ ปริตฺโต กุสโล ธมฺโม อุปฺปชฺชติ เหตุปจฺจยา. (๑)

มหคฺคตํ กุสลํ ธมฺมํ ปฏิจฺจ มหคฺคโต กุสโล ธมฺโม อุปฺปชฺชติ เหตุปจฺจยา. (๑)

อปฺปมาณํ กุสลํ ธมฺมํ ปฏิจฺจ อปฺปมาโณ กุสโล ธมฺโม อุปฺปชฺชติ เหตุปจฺจยา. (๑) (สพฺพตฺถ ตีณิ. สพฺพตฺถ วิตฺถาโร.)

๑๑๑. ปริตฺตํ อกุสลํ ธมฺมํ ปฏิจฺจ ปริตฺโต อกุสโล ธมฺโม อุปฺปชฺชติ เหตุปจฺจยา. (สพฺพตฺถ เอกํ.)

ปริตฺตํ อพฺยากตํ ธมฺมํ ปฏิจฺจ ปริตฺโต อพฺยากโต ธมฺโม อุปฺปชฺชติ เหตุปจฺจยา… ตีณิ.

มหคฺคตํ อพฺยากตํ ธมฺมํ ปฏิจฺจ มหคฺคโต อพฺยากโต ธมฺโม อุปฺปชฺชติ เหตุปจฺจยา… ตีณิ.

อปฺปมาณํ อพฺยากตํ ธมฺมํ ปฏิจฺจ อปฺปมาโณ อพฺยากโต ธมฺโม อุปฺปชฺชติ เหตุปจฺจยา. (สํขิตฺตํ.)

เหตุยา เตรส.