๑-๗. ปฏิจฺจวาราทิ

เหตุปจฺจโย

๑๐๙. เสกฺขํ กุสลํ ธมฺมํ ปฏิจฺจ เสกฺโข กุสโล ธมฺโม อุปฺปชฺชติ เหตุปจฺจยา. (๑)

เนวเสกฺขนาเสกฺขํ กุสลํ ธมฺมํ ปฏิจฺจ เนวเสกฺขนาเสกฺโข กุสโล ธมฺโม อุปฺปชฺชติ เหตุปจฺจยา. (๑) (สพฺพตฺถ เทฺว. สพฺพตฺถ วิตฺถาโร.)

เนวเสกฺขนาเสกฺขํ อกุสลํ ธมฺมํ ปฏิจฺจ เนวเสกฺขนาเสกฺโข อกุสโล ธมฺโม อุปฺปชฺชติ เหตุปจฺจยา. (สพฺพตฺถ เอกํ.)

เสกฺขํ อพฺยากตํ ธมฺมํ ปฏิจฺจ เสกฺโข อพฺยากโต ธมฺโม อุปฺปชฺชติ เหตุปจฺจยา. (สํขิตฺตํ.)

เหตุยา นว. (สพฺพตฺถ วิตฺถาเรตพฺพํ.)