๑-๗. ปฏิจฺจวาราทิ

เหตุปจฺจโย

๑๐๘. อาจยคามึ กุสลํ ธมฺมํ ปฏิจฺจ อาจยคามี กุสโล ธมฺโม อุปฺปชฺชติ เหตุปจฺจยา. (๑)

อปจยคามึ กุสลํ ธมฺมํ ปฏิจฺจ อปจยคามี กุสโล ธมฺโม อุปฺปชฺชติ เหตุปจฺจยา. (๑) (สพฺพตฺถ เทฺว. สพฺพตฺถ วิตฺถาโร.)

อาจยคามึ อกุสลํ ธมฺมํ ปฏิจฺจ อาจยคามี อกุสโล ธมฺโม อุปฺปชฺชติ เหตุปจฺจยา. (สพฺพตฺถ เอกํ.)

เนวาจยคามินาปจยคามึ อพฺยากตํ ธมฺมํ ปฏิจฺจ เนวาจยคามินาปจยคามี อพฺยากโต ธมฺโม อุปฺปชฺชติ เหตุปจฺจยา. (สพฺพตฺถ เอกํ.)