๑-๗. ปฏิจฺจวาราทิ

เหตุปจฺจโย

๑๐๕. เนวทสฺสเนน นภาวนาย ปหาตพฺพเหตุกํ กุสลํ ธมฺมํ ปฏิจฺจ เนวทสฺสเนน นภาวนาย ปหาตพฺพเหตุโก กุสโล ธมฺโม อุปฺปชฺชติ เหตุปจฺจยา. (สพฺพตฺถ เอกํ. สพฺพตฺถ วิตฺถาโร.)

๑๐๖. ทสฺสเนน ปหาตพฺพเหตุกํ อกุสลํ ธมฺมํ ปฏิจฺจ ทสฺสเนน ปหาตพฺพเหตุโก อกุสโล ธมฺโม อุปฺปชฺชติ เหตุปจฺจยา.

ภาวนาย ปหาตพฺพเหตุกํ อกุสลํ ธมฺมํ ปฏิจฺจ ภาวนาย ปหาตพฺพเหตุโก อกุสโล ธมฺโม อุปฺปชฺชติ เหตุปจฺจยา. (สํขิตฺตํ.)

เหตุยา ฉ, อารมฺมเณ ทส, อธิปติยา เทฺว…เป… อวิคเต ทส. (สพฺพตฺถ วิตฺถาโร.)

๑๐๗. เนวทสฺสเนน นภาวนาย ปหาตพฺพเหตุกํ อพฺยากตํ ธมฺมํ ปฏิจฺจ เนวทสฺสเนน นภาวนาย ปหาตพฺพเหตุโก อพฺยากโต ธมฺโม อุปฺปชฺชติ เหตุปจฺจยา. (สพฺพตฺถ เอกํ.)