๑-๗. ปฏิจฺจวาราทิ

เหตุปจฺจโย

๑๐๒. เนวทสฺสเนน นภาวนาย ปหาตพฺพํ กุสลํ ธมฺมํ ปฏิจฺจ เนวทสฺสเนน นภาวนาย ปหาตพฺโพ กุสโล ธมฺโม อุปฺปชฺชติ เหตุปจฺจยา. (สพฺพตฺถ เอกํ.)

๑๐๓. ทสฺสเนน ปหาตพฺพํ อกุสลํ ธมฺมํ ปฏิจฺจ ทสฺสเนน ปหาตพฺโพ อกุสโล ธมฺโม อุปฺปชฺชติ เหตุปจฺจยา. (๑)

ภาวนาย ปหาตพฺพํ อกุสลํ ธมฺมํ ปฏิจฺจ ภาวนาย ปหาตพฺโพ อกุสโล ธมฺโม อุปฺปชฺชติ เหตุปจฺจยา. (๑) (สพฺพตฺถ เทฺว. สพฺพตฺถ วิตฺถาโร.)

๑๐๔. เนวทสฺสเนน นภาวนาย ปหาตพฺพํ อพฺยากตํ ธมฺมํ ปฏิจฺจ เนวทสฺสเนน นภาวนาย ปหาตพฺโพ อพฺยากโต ธมฺโม อุปฺปชฺชติ เหตุปจฺจยา. (สพฺพตฺถ เอกํ.)