๑-๗. ปฏิจฺจวาราทิ

ปจฺจยจตุกฺกํ

๘๖. สุขาย เวทนาย สมฺปยุตฺตํ กุสลํ ธมฺมํ ปฏิจฺจ สุขาย เวทนาย สมฺปยุตฺโต กุสโล ธมฺโม อุปฺปชฺชติ เหตุปจฺจยา. (๑)

อทุกฺขมสุขาย เวทนาย สมฺปยุตฺตํ กุสลํ ธมฺมํ ปฏิจฺจ อทุกฺขมสุขาย เวทนาย สมฺปยุตฺโต กุสโล ธมฺโม อุปฺปชฺชติ เหตุปจฺจยา. (๑)

เหตุยา เทฺว…เป… อวิคเต เทฺว. (สํขิตฺตํ.) (สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ.)

๘๗. สุขาย เวทนาย สมฺปยุตฺโต กุสโล ธมฺโม สุขาย เวทนาย สมฺปยุตฺตสฺส กุสลสฺส ธมฺมสฺส เหตุปจฺจเยน ปจฺจโย. (๑)

อทุกฺขมสุขาย เวทนาย สมฺปยุตฺโต กุสโล ธมฺโม อทุกฺขมสุขาย เวทนาย สมฺปยุตฺตสฺส กุสลสฺส ธมฺมสฺส เหตุปจฺจเยน ปจฺจโย. (๑) (สํขิตฺตํ.)

เหตุยา เทฺว, อวิคเต เทฺว. (สํขิตฺตํ. สพฺพตฺถ วิตฺถาโร.)

๘๘. สุขาย เวทนาย สมฺปยุตฺตํ อกุสลํ ธมฺมํ ปฏิจฺจ สุขาย เวทนาย สมฺปยุตฺโต อกุสโล ธมฺโม อุปฺปชฺชติ เหตุปจฺจยา. (๑)

ทุกฺขาย เวทนาย สมฺปยุตฺตํ อกุสลํ ธมฺมํ ปฏิจฺจ ทุกฺขาย เวทนาย สมฺปยุตฺโต อกุสโล ธมฺโม อุปฺปชฺชติ เหตุปจฺจยา. (๑)

อทุกฺขมสุขาย เวทนาย สมฺปยุตฺตํ อกุสลํ ธมฺมํ ปฏิจฺจ อทุกฺขมสุขาย เวทนาย สมฺปยุตฺโต อกุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ.)

เหตุยา ตีณิ…เป… อวิคเต ตีณิ. (สํขิตฺตํ. สพฺพตฺถ วิตฺถาโร.)

๘๙. สุขาย เวทนาย สมฺปยุตฺตํ อพฺยากตํ ธมฺมํ ปฏิจฺจ สุขาย เวทนาย สมฺปยุตฺโต อพฺยากโต ธมฺโม อุปฺปชฺชติ เหตุปจฺจยา. (๑)

อทุกฺขมสุขาย เวทนาย สมฺปยุตฺตํ อพฺยากตํ ธมฺมํ ปฏิจฺจ อทุกฺขมสุขาย เวทนาย สมฺปยุตฺโต อพฺยากโต ธมฺโม อุปฺปชฺชติ เหตุปจฺจยา. (๑) (สํขิตฺตํ.)

เหตุยา เทฺว, อวิคเต ตีณิ. (สํขิตฺตํ.)