๑-๗. ปฏิจฺจวาราทิ

ปจฺจยจตุกฺกํ

๘๔. อพฺยากตํ อนิทสฺสนสปฺปฏิฆํ ธมฺมํ ปฏิจฺจ อพฺยากโต อนิทสฺสนสปฺปฏิโฆ ธมฺโม อุปฺปชฺชติ เหตุปจฺจยา. (สํขิตฺตํ.)

เหตุยา เอกํ…เป… อวิคเต เอกํ. (สํขิตฺตํ.)

(สหชาตวารมฺปิ…เป… ปญฺหาวารมฺปิ วิตฺถาเรตพฺพํ.)

๘๕. กุสลํ อนิทสฺสนอปฺปฏิฆํ ธมฺมํ ปฏิจฺจ กุสโล อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยา. กุสลํ อนิทสฺสนอปฺปฏิฆํ ธมฺมํ ปฏิจฺจ อพฺยากโต อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยา. กุสลํ อนิทสฺสนอปฺปฏิฆํ ธมฺมํ ปฏิจฺจ กุสโล อนิทสฺสนอปฺปฏิโฆ จ อพฺยากโต อนิทสฺสนอปฺปฏิโฆ จ ธมฺมา อุปฺปชฺชนฺติ เหตุปจฺจยา. (๓)

อกุสลํ อนิทสฺสนอปฺปฏิฆํ ธมฺมํ ปฏิจฺจ อกุสโล อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยา… ตีณิ.

อพฺยากตํ อนิทสฺสนอปฺปฏิฆํ ธมฺมํ ปฏิจฺจ อพฺยากโต อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยา. (๑)

กุสลํ อนิทสฺสนอปฺปฏิฆญฺจ อพฺยากตํ อนิทสฺสนอปฺปฏิฆญฺจ ธมฺมํ ปฏิจฺจ อพฺยากโต อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยา. (๑)

อกุสลํ อนิทสฺสนอปฺปฏิฆญฺจ อพฺยากตํ อนิทสฺสนอปฺปฏิฆญฺจ ธมฺมํ ปฏิจฺจ อพฺยากโต อนิทสฺสนอปฺปฏิโฆ ธมฺโม อุปฺปชฺชติ เหตุปจฺจยา. (๑)

เหตุยา นว, อารมฺมเณ ตีณิ…เป… วิปาเก เอกํ…เป… อวิคเต นว. (สํขิตฺตํ. สหชาตวารมฺปิ…เป… สมฺปยุตฺตวารมฺปิ ปญฺหาวารมฺปิ วิตฺถาเรตพฺพํ.)

กุสลตฺติกสนิทสฺสนตฺติกํ นิฏฺฐิตํ.