พหิทฺธาปทํ

เหตุปจฺจโย

๘๐. กุสลํ พหิทฺธา ธมฺมํ ปฏิจฺจ กุสโล พหิทฺธา ธมฺโม อุปฺปชฺชติ เหตุปจฺจยา… ตีณิ.

อกุสลํ พหิทฺธา ธมฺมํ ปฏิจฺจ อกุสโล พหิทฺธา ธมฺโม อุปฺปชฺชติ เหตุปจฺจยา… ตีณิ.

อพฺยากตํ พหิทฺธา ธมฺมํ ปฏิจฺจ อพฺยากโต พหิทฺธา ธมฺโม อุปฺปชฺชติ เหตุปจฺจยา. (๑)

กุสลํ พหิทฺธา จ อพฺยากตํ พหิทฺธา จ ธมฺมํ ปฏิจฺจ อพฺยากโต พหิทฺธา ธมฺโม อุปฺปชฺชติ เหตุปจฺจยา. (๑)

อกุสลํ พหิทฺธา จ อพฺยากตํ พหิทฺธา จ ธมฺมํ ปฏิจฺจ อพฺยากโต พหิทฺธา ธมฺโม อุปฺปชฺชติ เหตุปจฺจยา. (๑) (สํขิตฺตํ.)

เหตุยา นว…เป… วิปาเก เอกํ…เป… อวิคเต นว. (สํขิตฺตํ.)

(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ.)

๘๑. กุสโล พหิทฺธา ธมฺโม กุสลสฺส พหิทฺธา ธมฺมสฺส เหตุปจฺจเยน ปจฺจโย… ตีณิ.

อกุสโล พหิทฺธา ธมฺโม อกุสลสฺส พหิทฺธา ธมฺมสฺส เหตุปจฺจเยน ปจฺจโย… ตีณิ.

อพฺยากโต พหิทฺธา ธมฺโม อพฺยากตสฺส พหิทฺธา ธมฺมสฺส เหตุปจฺจเยน ปจฺจโย. (๑) (สํขิตฺตํ.)

เหตุยา สตฺต, อารมฺมเณ นว, อธิปติยา ทส…เป… อวิคเต เตรส. (สํขิตฺตํ. ยถา กุสลตฺติเก ปญฺหาวารํ เอวํ วิตฺถาเรตพฺพํ.)