๑-๗. ปฏิจฺจวาราทิ

ปจฺจยจตุกฺกํ

๗๒. กุสลํ อตีตารมฺมณํ ธมฺมํ ปฏิจฺจ กุสโล อตีตารมฺมโณ ธมฺโม อุปฺปชฺชติ เหตุปจฺจยา. (๑)

อกุสลํ อตีตารมฺมณํ ธมฺมํ ปฏิจฺจ อกุสโล อตีตารมฺมโณ ธมฺโม อุปฺปชฺชติ เหตุปจฺจยา. (๑)

อพฺยากตํ อตีตารมฺมณํ ธมฺมํ ปฏิจฺจ อพฺยากโต อตีตารมฺมโณ ธมฺโม อุปฺปชฺชติ เหตุปจฺจยา. (๑) (สํขิตฺตํ.)

เหตุยา ตีณิ, อวิคเต ตีณิ. (สํขิตฺตํ.)

(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ.)

๗๓. กุสโล อตีตารมฺมโณ ธมฺโม กุสลสฺส อตีตารมฺมณสฺส ธมฺมสฺส เหตุปจฺจเยน ปจฺจโย. (๑)

อกุสโล อตีตารมฺมโณ ธมฺโม อกุสลสฺส อตีตารมฺมณสฺส ธมฺมสฺส เหตุปจฺจเยน ปจฺจโย. (๑)

อพฺยากโต อตีตารมฺมโณ ธมฺโม อพฺยากตสฺส อตีตารมฺมณสฺส ธมฺมสฺส เหตุปจฺจเยน ปจฺจโย. (๑) (สํขิตฺตํ.)

เหตุยา ตีณิ, อารมฺมเณ นว, อวิคเต ตีณิ. (สํขิตฺตํ. ยถา กุสลตฺติเก ปญฺหาวารํ เอวํ วิตฺถาเรตพฺพํ.)

อนาคตารมฺมณปทํ

เหตุปจฺจโย

๗๔. กุสลํ อนาคตารมฺมณํ ธมฺมํ ปฏิจฺจ กุสโล อนาคตารมฺมโณ ธมฺโม อุปฺปชฺชติ เหตุปจฺจยา. (สํขิตฺตํ.)

เหตุยา ตีณิ, อารมฺมเณ ตีณิ, อวิคเต ตีณิ. (สํขิตฺตํ. สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ.)

๗๕. กุสโล อนาคตารมฺมโณ ธมฺโม กุสลสฺส อนาคตารมฺมณสฺส ธมฺมสฺส เหตุปจฺจเยน ปจฺจโย. (สํขิตฺตํ.)

เหตุยา ตีณิ, อารมฺมเณ นว, อวิคเต ตีณิ. (สํขิตฺตํ. ยถา กุสลตฺติเก ปญฺหาวารํ, เอวํ วิตฺถาเรตพฺพํ.)

ปจฺจุปฺปนฺนารมฺมณปทํ

เหตุปจฺจโย

๗๖. กุสลํ ปจฺจุปฺปนฺนารมฺมณํ ธมฺมํ ปฏิจฺจ กุสโล ปจฺจุปฺปนฺนารมฺมโณ ธมฺโม อุปฺปชฺชติ เหตุปจฺจยา. (สํขิตฺตํ.)

เหตุยา ตีณิ, อารมฺมเณ ตีณิ, อวิคเต ตีณิ. (สํขิตฺตํ. สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ.)

๗๗. กุสโล ปจฺจุปฺปนฺนารมฺมโณ ธมฺโม กุสลสฺส ปจฺจุปฺปนฺนารมฺมณสฺส ธมฺมสฺส เหตุปจฺจเยน ปจฺจโย. (๑)

อกุสโล ปจฺจุปฺปนฺนารมฺมโณ ธมฺโม อกุสลสฺส ปจฺจุปฺปนฺนารมฺมณสฺส ธมฺมสฺส เหตุปจฺจเยน ปจฺจโย. (๑)

อพฺยากโต ปจฺจุปฺปนฺนารมฺมโณ ธมฺโม อพฺยากตสฺส ปจฺจุปฺปนฺนารมฺมณสฺส ธมฺมสฺส เหตุปจฺจเยน ปจฺจโย. (๑) (สํขิตฺตํ.)

เหตุยา ตีณิ, อารมฺมเณ ฉ, อวิคเต ตีณิ. (สํขิตฺตํ. ยถา กุสลตฺติเก ปญฺหาวารํ, เอวํ วิตฺถาเรตพฺพํ.)