๑-๗. ปฏิจฺจวาราทิ

ปจฺจยจตุกฺกํ

๖๓. อกุสลํ มิจฺฉตฺตนิยตํ ธมฺมํ ปฏิจฺจ อกุสโล มิจฺฉตฺตนิยโต ธมฺโม อุปฺปชฺชติ เหตุปจฺจยา. (สํขิตฺตํ.)

เหตุยา เอกํ…เป… อวิคเต เอกํ. (สํขิตฺตํ. สพฺพตฺถ วิตฺถาโร.)

๖๔. กุสลํ สมฺมตฺตนิยตํ ธมฺมํ ปฏิจฺจ กุสโล สมฺมตฺตนิยโต ธมฺโม อุปฺปชฺชติ เหตุปจฺจยา. (สํขิตฺตํ.)

เหตุยา เอกํ…เป… อวิคเต เอกํ. (สํขิตฺตํ. สหชาตวาเรปิ…เป… ปญฺหาวาเรปิ สพฺพตฺถ เอกํ.)

๖๕. กุสลํ อนิยตํ ธมฺมํ ปฏิจฺจ กุสโล อนิยโต ธมฺโม อุปฺปชฺชติ เหตุปจฺจยา. กุสลํ อนิยตํ ธมฺมํ ปฏิจฺจ อพฺยากโต อนิยโต ธมฺโม อุปฺปชฺชติ เหตุปจฺจยา. กุสลํ อนิยตํ ธมฺมํ ปฏิจฺจ กุสโล อนิยโต จ อพฺยากโต อนิยโต จ ธมฺมา อุปฺปชฺชนฺติ เหตุปจฺจยา. (๓)

อกุสลํ อนิยตํ ธมฺมํ ปฏิจฺจ อกุสโล อนิยโต ธมฺโม อุปฺปชฺชติ เหตุปจฺจยา… ตีณิ.

อพฺยากตํ อนิยตํ ธมฺมํ ปฏิจฺจ อพฺยากโต อนิยโต ธมฺโม อุปฺปชฺชติ เหตุปจฺจยา. (๑)

กุสลํ อนิยตญฺจ อพฺยากตํ อนิยตญฺจ ธมฺมํ ปฏิจฺจ อพฺยากโต อนิยโต ธมฺโม อุปฺปชฺชติ เหตุปจฺจยา. (๑)

อกุสลํ อนิยตญฺจ อพฺยากตํ อนิยตญฺจ ธมฺมํ ปฏิจฺจ อพฺยากโต อนิยโต ธมฺโม อุปฺปชฺชติ เหตุปจฺจยา. (๑) (สํขิตฺตํ.)

เหตุยา นว, อารมฺมเณ ตีณิ, อวิคเต นว. (สํขิตฺตํ. สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ.)

๖๖. กุสโล อนิยโต ธมฺโม กุสลสฺส อนิยตสฺส ธมฺมสฺส เหตุปจฺจเยน ปจฺจโย… ตีณิ.

อกุสโล อนิยโต ธมฺโม อกุสลสฺส อนิยตสฺส ธมฺมสฺส เหตุปจฺจเยน ปจฺจโย… ตีณิ.

อพฺยากโต อนิยโต ธมฺโม อพฺยากตสฺส อนิยตสฺส ธมฺมสฺส เหตุปจฺจเยน ปจฺจโย. (๑) (สํขิตฺตํ.)

เหตุยา สตฺต, อารมฺมเณ นว, อวิคเต เตรส. (สํขิตฺตํ. ยถา กุสลตฺติเก ปญฺหาวารํ เอวํ วิตฺถาเรตพฺพํ.)