๑-๗. ปฏิจฺจวาราทิ

ปจฺจยจตุกฺกํ

๕๘. อกุสลํ หีนํ ธมฺมํ ปฏิจฺจ อกุสโล หีโน ธมฺโม อุปฺปชฺชติ เหตุปจฺจยา. (สํขิตฺตํ.)

เหตุยา เอกํ…เป… อวิคเต เอกํ. (สํขิตฺตํ. สพฺพตฺถ วิตฺถาโร.)

๕๙. กุสลํ มชฺฌิมํ ธมฺมํ ปฏิจฺจ กุสโล มชฺฌิโม ธมฺโม อุปฺปชฺชติ เหตุปจฺจยา. กุสลํ มชฺฌิมํ ธมฺมํ ปฏิจฺจ อพฺยากโต มชฺฌิโม ธมฺโม อุปฺปชฺชติ เหตุปจฺจยา. กุสลํ มชฺฌิมํ ธมฺมํ ปฏิจฺจ กุสโล มชฺฌิโม จ อพฺยากโต มชฺฌิโม จ ธมฺมา อุปฺปชฺชนฺติ เหตุปจฺจยา. (๓)

อพฺยากตํ มชฺฌิมํ ธมฺมํ ปฏิจฺจ อพฺยากโต มชฺฌิโม ธมฺโม อุปฺปชฺชติ เหตุปจฺจยา. (๑)

กุสลํ มชฺฌิมญฺจ อพฺยากตํ มชฺฌิมญฺจ ธมฺมํ ปฏิจฺจ อพฺยากโต มชฺฌิโม ธมฺโม อุปฺปชฺชติ เหตุปจฺจยา. (๑)

กุสลํ มชฺฌิมํ ธมฺมํ ปฏิจฺจ กุสโล มชฺฌิโม ธมฺโม อุปฺปชฺชติ อารมฺมณปจฺจยา. (๑)

อพฺยากตํ มชฺฌิมํ ธมฺมํ ปฏิจฺจ อพฺยากโต มชฺฌิโม ธมฺโม อุปฺปชฺชติ อารมฺมณปจฺจยา. (๑) (สํขิตฺตํ.)

เหตุยา ปญฺจ, อารมฺมเณ เทฺว, อวิคเต ปญฺจ. (สํขิตฺตํ. สหชาตวารมฺปิ …เป… สมฺปยุตฺตวารมฺปิ ปฏิจฺจวารสทิสํ.)

๖๐. กุสโล มชฺฌิโม ธมฺโม กุสลสฺส มชฺฌิมสฺส ธมฺมสฺส เหตุปจฺจเยน ปจฺจโย… ตีณิ.

อพฺยากโต มชฺฌิโม ธมฺโม อพฺยากตสฺส มชฺฌิมสฺส ธมฺมสฺส เหตุปจฺจเยน ปจฺจโย. (๑)

กุสโล มชฺฌิโม ธมฺโม กุสลสฺส มชฺฌิมสฺส ธมฺมสฺส อารมฺมณปจฺจเยน ปจฺจโย. กุสโล มชฺฌิโม ธมฺโม อพฺยากตสฺส มชฺฌิมสฺส ธมฺมสฺส อารมฺมณปจฺจเยน ปจฺจโย. (๒)

อพฺยากโต มชฺฌิโม ธมฺโม อพฺยากตสฺส มชฺฌิมสฺส ธมฺมสฺส อารมฺมณปจฺจเยน ปจฺจโย. อพฺยากโต มชฺฌิโม ธมฺโม กุสลสฺส มชฺฌิมสฺส ธมฺมสฺส อารมฺมณปจฺจเยน ปจฺจโย. (๒) (สํขิตฺตํ).

๖๑. เหตุยา จตฺตาริ, อารมฺมเณ จตฺตาริ, อวิคเต สตฺต.

(สํขิตฺตํ. ยถา กุสลตฺติเก ปญฺหาวารํ, เอวํ วิตฺถาเรตพฺพํ.)

ปณีตปทํ

เหตุปจฺจโย

๖๒. กุสลํ ปณีตํ ธมฺมํ ปฏิจฺจ กุสโล ปณีโต ธมฺโม อุปฺปชฺชติ เหตุปจฺจยา. (๑)

อพฺยากตํ ปณีตํ ธมฺมํ ปฏิจฺจ อพฺยากโต ปณีโต ธมฺโม อุปฺปชฺชติ เหตุปจฺจยา. (๑) (สํขิตฺตํ.)

เหตุยา เทฺว, อวิคเต เทฺว. (สํขิตฺตํ. สหชาตวาเรปิ…เป… ปญฺหาวาเรปิ สพฺพตฺถ วิตฺถาโร.)