๑-๗. ปฏิจฺจวาราทิ

ปจฺจยจตุกฺกํ

๕๕. กุสลํ ปริตฺตารมฺมณํ ธมฺมํ ปฏิจฺจ กุสโล ปริตฺตารมฺมโณ ธมฺโม อุปฺปชฺชติ เหตุปจฺจยา. (๑)

อกุสลํ ปริตฺตารมฺมณํ ธมฺมํ ปฏิจฺจ อกุสโล ปริตฺตารมฺมโณ ธมฺโม อุปฺปชฺชติ เหตุปจฺจยา. (๑)

อพฺยากตํ ปริตฺตารมฺมณํ ธมฺมํ ปฏิจฺจ อพฺยากโต ปริตฺตารมฺมโณ ธมฺโม อุปฺปชฺชติ เหตุปจฺจยา. (๑) (สํขิตฺตํ.)

เหตุยา ตีณิ, อวิคเต ตีณิ. (สํขิตฺตํ.)

(สหชาตวารมฺปิ…เป… ปญฺหาวารมฺปิ วิตฺถาเรตพฺพํ.)

๕๖. กุสลํ มหคฺคตารมฺมณํ ธมฺมํ ปฏิจฺจ กุสโล มหคฺคตารมฺมโณ ธมฺโม อุปฺปชฺชติ เหตุปจฺจยา. (๑)

อกุสลํ มหคฺคตารมฺมณํ ธมฺมํ ปฏิจฺจ อกุสโล มหคฺคตารมฺมโณ ธมฺโม อุปฺปชฺชติ เหตุปจฺจยา. (๑)

อพฺยากตํ มหคฺคตารมฺมณํ ธมฺมํ ปฏิจฺจ อพฺยากโต มหคฺคตารมฺมโณ ธมฺโม อุปฺปชฺชติ เหตุปจฺจยา (๑) (สํขิตฺตํ).

เหตุยา ตีณิ, อวิคเต ตีณิ. (สํขิตฺตํ.)

(สหชาตวาเรปิ…เป… ปญฺหาวาเรปิ สพฺพตฺถ วิตฺถาโร.)

๕๗. กุสลํ อปฺปมาณารมฺมณํ ธมฺมํ ปฏิจฺจ กุสโล อปฺปมาณารมฺมโณ ธมฺโม อุปฺปชฺชติ เหตุปจฺจยา. (๑)

อพฺยากตํ อปฺปมาณารมฺมณํ ธมฺมํ ปฏิจฺจ อพฺยากโต อปฺปมาณารมฺมโณ ธมฺโม อุปฺปชฺชติ เหตุปจฺจยา. (๑) (สํขิตฺตํ.)

เหตุยา เทฺว, อวิคเต เทฺว. (สํขิตฺตํ.)

(สหชาตวาเรปิ…เป… ปญฺหาวาเรปิ สพฺพตฺถ วิตฺถาโร.)