๑-๗. ปฏิจฺจวาราทิ

๔๗. กุสลํ เสกฺขํ ธมฺมํ ปฏิจฺจ กุสโล เสกฺโข ธมฺโม อุปฺปชฺชติ เหตุปจฺจยา. (๑)

อพฺยากตํ เสกฺขํ ธมฺมํ ปฏิจฺจ อพฺยากโต เสกฺโข ธมฺโม อุปฺปชฺชติ เหตุปจฺจยา. (๑) (สํขิตฺตํ.)

เหตุยา เทฺว, อวิคเต เทฺว. (สํขิตฺตํ. สหชาตวาเรปิ…เป… ปญฺหาวาเรปิ สพฺพตฺถ วิตฺถาโร.)

๔๘. อพฺยากตํ อเสกฺขํ ธมฺมํ ปฏิจฺจ อพฺยากโต อเสกฺโข ธมฺโม อุปฺปชฺชติ เหตุปจฺจยา. (สํขิตฺตํ.)

เหตุยา เอกํ…เป… อวิคเต เอกํ. (สํขิตฺตํ.)

(สหชาตวาเรปิ…เป… ปญฺหาวาเรปิ สพฺพตฺถ เอกํ.)

๔๙. กุสลํ เนวเสกฺขนาเสกฺขํ ธมฺมํ ปฏิจฺจ กุสโล เนวเสกฺขนาเสกฺโข ธมฺโม อุปฺปชฺชติ เหตุปจฺจยา… ตีณิ.

อกุสลํ เนวเสกฺขนาเสกฺขํ ธมฺมํ ปฏิจฺจ อกุสโล เนวเสกฺขนาเสกฺโข ธมฺโม อุปฺปชฺชติ เหตุปจฺจยา… ตีณิ.

อพฺยากตํ เนวเสกฺขนาเสกฺขํ ธมฺมํ ปฏิจฺจ อพฺยากโต เนวเสกฺขนาเสกฺโข ธมฺโม อุปฺปชฺชติ เหตุปจฺจยา… ตีณิ. (๑)

เหตุยา นว, อวิคเต นว. (สํขิตฺตํ. สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ.)

๕๐. กุสโล เนวเสกฺขนาเสกฺโข ธมฺโม กุสลสฺส เนวเสกฺขนาเสกฺขสฺส ธมฺมสฺส เหตุปจฺจเยน ปจฺจโย. (สํขิตฺตํ.)

เหตุยา สตฺต, อารมฺมเณ นว, อวิคเต เตรส. (สํขิตฺตํ. ยถา กุสลตฺติเก ปญฺหาวารํ เอวํ วิตฺถาเรตพฺพํ.)