๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๑. โนปรามาสํ กุสลํ ธมฺมํ ปฏิจฺจ โนปรามาโส กุสโล ธมฺโม อุปฺปชฺชติ เหตุปจฺจยา (สํขิตฺตํ).

๒. เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ เอกํ.)

๓. ปรามาสํ อกุสลํ ธมฺมํ ปฏิจฺจ โนปรามาโส อกุสโล ธมฺโม อุปฺปชฺชติ เหตุปจฺจยา. (๑)

โนปรามาสํ อกุสลํ ธมฺมํ ปฏิจฺจ โนปรามาโส อกุสโล ธมฺโม อุปฺปชฺชติ เหตุปจฺจยา… ตีณิ.

ปรามาสํ อกุสลญฺจ โนปรามาสํ อกุสลญฺจ ธมฺมํ ปฏิจฺจ โนปรามาโส อกุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๔. เหตุยา ปญฺจ, อารมฺมเณ ปญฺจ…เป… อวิคเต ปญฺจ (สํขิตฺตํ).

นเหตุยา เอกํ, นอธิปติยา ปญฺจ, นปุเรชาเต ปญฺจ, นปจฺฉาชาเต ปญฺจ…เป… (สํขิตฺตํ). (สหชาตวารมฺปิ…เป… สมฺปยุตฺตวารมฺปิ วิตฺถาเรตพฺพํ.)

๕. โนปรามาโส อกุสโล ธมฺโม โนปรามาสสฺส อกุสลสฺส ธมฺมสฺส เหตุปจฺจเยน ปจฺจโย (สํขิตฺตํ).

๖. เหตุยา ตีณิ, อารมฺมเณ นว, อธิปติยา นว…เป… อวิคเต ปญฺจ (สํขิตฺตํ).

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํ.)

๗. โนปรามาสํ อพฺยากตํ ธมฺมํ ปฏิจฺจ โนปรามาโส อพฺยากโต ธมฺโม อุปฺปชฺชติ เหตุปจฺจยา (สํขิตฺตํ).

๘. เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ เอกํ.)