๕๑-๑. ปรามฏฺฐทุก-กุสลตฺติกํ

๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๙. ปรามฏฺฐํ กุสลํ ธมฺมํ ปฏิจฺจ ปรามฏฺโฐ กุสโล ธมฺโม อุปฺปชฺชติ เหตุปจฺจยา. (๑)

อปรามฏฺฐํ กุสลํ ธมฺมํ ปฏิจฺจ อปรามฏฺโฐ กุสโล ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๑๐. เหตุยา เทฺว, อารมฺมเณ เทฺว…เป… อวิคเต เทฺว (สํขิตฺตํ).

(สหชาตวาโรปิ …เป… ปญฺหาวาโรปิ วิตฺถาเรตพฺพา.)

๑๑. ปรามฏฺฐํ อกุสลํ ธมฺมํ ปฏิจฺจ ปรามฏฺโฐ อกุสโล ธมฺโม อุปฺปชฺชติ เหตุปจฺจยา (สํขิตฺตํ).

๑๒. เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ…เป… ปญฺหาวาเรปิ สพฺพตฺถ เอกํ.)

๑๓. ปรามฏฺฐํ อพฺยากตํ ธมฺมํ ปฏิจฺจ ปรามฏฺโฐ อพฺยากโต ธมฺโม อุปฺปชฺชติ เหตุปจฺจยา. (๑)

อปรามฏฺฐํ อพฺยากตํ ธมฺมํ ปฏิจฺจ อปรามฏฺโฐ อพฺยากโต ธมฺโม อุปฺปชฺชติ เหตุปจฺจยา… ตีณิ.

ปรามฏฺฐํ อพฺยากตญฺจ อปรามฏฺฐํ อพฺยากตญฺจ ธมฺมํ ปฏิจฺจ ปรามฏฺโฐ อพฺยากโต ธมฺโม อุปฺปชฺชติ เหตุปจฺจยา. (๑) (สํขิตฺตํ.)

๑๔. เหตุยา ปญฺจ, อารมฺมเณ เทฺว…เป… อาเสวเน เอกํ…เป… อวิคเต ปญฺจ (สํขิตฺตํ). (สหชาตวารมฺปิ…เป… ปญฺหาวารมฺปิ วิตฺถาเรตพฺพํ.)