๗. ปญฺหาวาโร

ปจฺจยจตุกฺกํ

เหตุ-อารมฺมณปจฺจยา

๕๔. อาสววิปฺปยุตฺโต สาสโว อพฺยากโต ธมฺโม อาสววิปฺปยุตฺตสฺส สาสวสฺส อพฺยากตสฺส ธมฺมสฺส เหตุปจฺจเยน ปจฺจโย.

อาสววิปฺปยุตฺโต อนาสโว อพฺยากโต ธมฺโม อาสววิปฺปยุตฺตสฺส อนาสวสฺส อพฺยากตสฺส ธมฺมสฺส เหตุปจฺจเยน ปจฺจโย. อาสววิปฺปยุตฺโต อนาสโว อพฺยากโต ธมฺโม อาสววิปฺปยุตฺตสฺส สาสวสฺส อพฺยากตสฺส ธมฺมสฺส เหตุปจฺจเยน ปจฺจโย. อาสววิปฺปยุตฺโต อนาสโว อพฺยากโต ธมฺโม อาสววิปฺปยุตฺตสฺส สาสวสฺส อพฺยากตสฺส จ อาสววิปฺปยุตฺตสฺส อนาสวสฺส อพฺยากตสฺส จ ธมฺมสฺส เหตุปจฺจเยน ปจฺจโย. (๓)

อาสววิปฺปยุตฺโต สาสโว อพฺยากโต ธมฺโม อาสววิปฺปยุตฺตสฺส สาสวสฺส อพฺยากตสฺส ธมฺมสฺส อารมฺมณปจฺจเยน ปจฺจโย. (๑)

อาสววิปฺปยุตฺโต อนาสโว อพฺยากโต ธมฺโม อาสววิปฺปยุตฺตสฺส อนาสวสฺส อพฺยากตสฺส ธมฺมสฺส อารมฺมณปจฺจเยน ปจฺจโย. อาสววิปฺปยุตฺโต อนาสโว อพฺยากโต ธมฺโม อาสววิปฺปยุตฺตสฺส สาสวสฺส อพฺยากตสฺส ธมฺมสฺส อารมฺมณปจฺจเยน ปจฺจโย. (๒) (สํขิตฺตํ.)

๕๕. เหตุยา จตฺตาริ, อารมฺมเณ ตีณิ, อธิปติยา จตฺตาริ, อนนฺตเร จตฺตาริ, สมนนฺตเร จตฺตาริ, สหชาเต ปญฺจ, อญฺญมญฺเญ เทฺว, นิสฺสเย สตฺต, อุปนิสฺสเย จตฺตาริ, ปุเรชาเต เทฺว, อาเสวเน เอกํ, กมฺเม จตฺตาริ, วิปาเก จตฺตาริ, อาหาเร จตฺตาริ…เป… อวิคเต สตฺต (สํขิตฺตํ).

ปจฺจนียุทฺธาโร

๕๖. อาสววิปฺปยุตฺโต สาสโว อพฺยากโต ธมฺโม อาสววิปฺปยุตฺตสฺส สาสวสฺส อพฺยากตสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย… ปุเรชาตปจฺจเยน ปจฺจโย… ปจฺฉาชาตปจฺจเยน ปจฺจโย… อาหารปจฺจเยน ปจฺจโย… อินฺทฺริยปจฺจเยน ปจฺจโย (สํขิตฺตํ).

๕๗. นเหตุยา สตฺต, นอารมฺมเณ สตฺต (สํขิตฺตํ).

เหตุปจฺจยา นอารมฺมเณ จตฺตาริ (สํขิตฺตํ).

นเหตุปจฺจยา อารมฺมเณ ตีณิ (สํขิตฺตํ).

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํ.)

อาสววิปฺปยุตฺตสาสวทุกกุสลตฺติกํ นิฏฺฐิตํ.

อาสวโคจฺฉกํ นิฏฺฐิตํ.