๒. อกุสลปทํ

เหตุปจฺจโย

๓๒. อาสวญฺเจว สาสวญฺจ อกุสลํ ธมฺมํ ปฏิจฺจ อาสโว เจว สาสโว จ อกุสโล ธมฺโม อุปฺปชฺชติ เหตุปจฺจยา… ตีณิ.

สาสวญฺเจว โน จ อาสวํ อกุสลํ ธมฺมํ ปฏิจฺจ สาสโว เจว โน จ อาสโว อกุสโล ธมฺโม อุปฺปชฺชติ เหตุปจฺจยา… ตีณิ.

อาสวญฺเจว สาสวญฺจ อกุสลญฺจ สาสวญฺเจว โน จ อาสวํ อกุสลญฺจ ธมฺมํ ปฏิจฺจ อาสโว เจว สาสโว จ อกุสโล ธมฺโม อุปฺปชฺชติ เหตุปจฺจยา… ตีณิ (สํขิตฺตํ).

๓๓. เหตุยา นว, อารมฺมเณ นว…เป… อวิคเต นว (สํขิตฺตํ).

ปจฺจนียํ

นเหตุปจฺจโย

๓๔. สาสวญฺเจว โน จ อาสวํ อกุสลํ ธมฺมํ ปฏิจฺจ อาสโว เจว สาสโว จ อกุสโล ธมฺโม อุปฺปชฺชติ นเหตุปจฺจยา (สํขิตฺตํ).

๓๕. นเหตุยา เอกํ, นอธิปติยา นว, นปุเรชาเต นว, นปจฺฉาชาเต นว, นอาเสวเน นว, นกมฺเม ตีณิ, นวิปาเก นว, นวิปฺปยุตฺเต นว (สํขิตฺตํ).

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ วิตฺถาเรตพฺพา.)