๗. ปญฺหาวาโร

เหตุปจฺจโย

๓๖. อาสโว เจว สาสโวจ อกุสโล ธมฺโม อาสวสฺส เจว สาสวสฺส จ อกุสลสฺส ธมฺมสฺส เหตุปจฺจเยน ปจฺจโย (สํขิตฺตํ).

๓๗. เหตุยา สตฺต, อารมฺมเณ นว, อธิปติยา นว…เป… อุปนิสฺสเย อาเสวเน นว, กมฺเม อาหาเร อินฺทฺริเย ฌาเน ตีณิ, มคฺเค สมฺปยุตฺเต นว…เป… อวิคเต นว (สํขิตฺตํ).

ปจฺจนียุทฺธาโร

๓๘. อาสโว เจว สาสโว จ อกุสโล ธมฺโม อาสวสฺส เจว สาสวสฺส จ อกุสลสฺส ธมฺมสฺส อารมฺมณปจฺจเยน ปจฺจโย… สหชาตปจฺจเยน ปจฺจโย… อุปนิสฺสยปจฺจเยน ปจฺจโย (สํขิตฺตํ).

๓๙. นเหตุยา นว, นอารมฺมเณ นว (สํขิตฺตํ).

เหตุปจฺจยา นอารมฺมเณ สตฺต (สํขิตฺตํ).

นเหตุปจฺจยา อารมฺมเณ นว (สํขิตฺตํ).

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํ.)

๓. อพฺยากตปทํ

เหตุปจฺจโย

๔๐. สาสวญฺเจว โน จ อาสวํ อพฺยากตํ ธมฺมํ ปฏิจฺจ สาสโว เจว โน จ อาสโว อพฺยากโต ธมฺโม อุปฺปชฺชติ เหตุปจฺจยา (สํขิตฺตํ).

๔๑. เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(สหชาตวาเรปิ …เป… ปญฺหาวาเรปิ สพฺพตฺถ เอกํ.)

อาสวสาสวทุกกุสลตฺติกํ นิฏฺฐิตํ.