๒. อกุสลปทํ

เหตุปจฺจโย

๒๒. อาสวสมฺปยุตฺตํ อกุสลํ ธมฺมํ ปฏิจฺจ อาสวสมฺปยุตฺโต อกุสโล ธมฺโม อุปฺปชฺชติ เหตุปจฺจยา… ตีณิ.

อาสววิปฺปยุตฺตํ อกุสลํ ธมฺมํ ปฏิจฺจ อาสวสมฺปยุตฺโต อกุสโล ธมฺโม อุปฺปชฺชติ เหตุปจฺจยา. (๑)

อาสวสมฺปยุตฺตํ อกุสลญฺจ อาสววิปฺปยุตฺตํ อกุสลญฺจ ธมฺมํ ปฏิจฺจ อาสวสมฺปยุตฺโต อกุสโล ธมฺโม อุปฺปชฺชติ เหตุปจฺจยา. (๑)

๒๓. เหตุยา ปญฺจ, อารมฺมเณ ปญฺจ…เป… อวิคเต ปญฺจ (สํขิตฺตํ. สหชาตวาเรปิ…เป… สมฺปยุตฺตวาเรปิ สพฺพตฺถ ปญฺจ.)

นเหตุยา เอกํ, นอธิปติยา ปญฺจ, นปุเรชาเต ปญฺจ…เป… นกมฺเม ตีณิ, นวิปาเก ปญฺจ, นวิปฺปยุตฺเต ปญฺจ (สํขิตฺตํ).

๒๔. อาสวสมฺปยุตฺโต อกุสโล ธมฺโม อาสวสมฺปยุตฺตสฺส อกุสลสฺส ธมฺมสฺส เหตุปจฺจเยน ปจฺจโย… ตีณิ.

อาสววิปฺปยุตฺโต อกุสโล ธมฺโม อาสวสมฺปยุตฺตสฺส อกุสลสฺส ธมฺมสฺส เหตุปจฺจเยน ปจฺจโย. (๑)

อาสวสมฺปยุตฺโต อกุสโล จ อาสววิปฺปยุตฺโต อกุสโล จ ธมฺมา อาสวสมฺปยุตฺตสฺส อกุสลสฺส ธมฺมสฺส เหตุปจฺจเยน ปจฺจโย. (๑) (สํขิตฺตํ.)

๒๕. เหตุยา ปญฺจ, อารมฺมเณ นว, อธิปติยา เอกํ, อนนฺตเร สมนนฺตเร นว, สหชาเต อญฺญมญฺเญ นิสฺสเย ปญฺจ, อุปนิสฺสเย อาเสวเน นว, กมฺเม อาหาเร อินฺทฺริเย ฌาเน มคฺเค ตีณิ, สมฺปยุตฺเต ปญฺจ…เป… อวิคเต ปญฺจ (สํขิตฺตํ).

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํ.)