๓. อพฺยากตปทํ

เหตุปจฺจโย

๒๖. อาสววิปฺปยุตฺตํ อพฺยากตํ ธมฺมํ ปฏิจฺจ อาสววิปฺปยุตฺโต อพฺยากโต ธมฺโม อุปฺปชฺชติ เหตุปจฺจยา (สํขิตฺตํ).

๒๗. เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

นเหตุยา เอกํ, นอารมฺมเณ เอกํ, นอธิปติยา เอกํ…เป… โนวิคเต เอกํ (สํขิตฺตํ. สหชาตวาเรปิ…เป… สมฺปยุตฺตวาเรปิ สพฺพตฺถ เอกํ).

๒๘. อาสววิปฺปยุตฺโต อพฺยากโต ธมฺโม อาสววิปฺปยุตฺตสฺส อพฺยากตสฺส ธมฺมสฺส เหตุปจฺจเยน ปจฺจโย (สํขิตฺตํ).

๒๙. เหตุยา เอกํ, อารมฺมเณ เอกํ…เป… อวิคเต เอกํ (สํขิตฺตํ).

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํ.)

อาสวสมฺปยุตฺตทุกกุสลตฺติกํ นิฏฺฐิตํ.