๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๕๕. เกนจิ วิญฺเญยฺยํ กุสลํ ธมฺมํ ปฏิจฺจ เกนจิ วิญฺเญยฺโย กุสโล ธมฺโม อุปฺปชฺชติ เหตุปจฺจยา. เกนจิ วิญฺเญยฺยํ กุสลํ ธมฺมํ ปฏิจฺจ เกนจิ นวิญฺเญยฺโย กุสโล ธมฺโม อุปฺปชฺชติ เหตุปจฺจยา. เกนจิ วิญฺเญยฺยํ กุสลํ ธมฺมํ ปฏิจฺจ เกนจิ วิญฺเญยฺโย กุสโล จ เกนจิ นวิญฺเญยฺโย กุสโล จ ธมฺมา อุปฺปชฺชนฺติ เหตุปจฺจยา. (๓) (สํขิตฺตํ.)

๕๖. เหตุยา นว, อารมฺมเณ นว…เป… อวิคเต นว (สํขิตฺตํ).

ปจฺจนียํ

นอธิปติปจฺจโย

๕๗. เกนจิ วิญฺเญยฺยํ กุสลํ ธมฺมํ ปฏิจฺจ เกนจิ วิญฺเญยฺโย กุสโล ธมฺโม อุปฺปชฺชติ นอธิปติปจฺจยา (สํขิตฺตํ).

๕๘. นอธิปติยา นว, นปุเรชาเต นว, นปจฺฉาชาเต นว, นอาเสวเน นว, นกมฺเม นว, นวิปาเก นว…เป… นวิปฺปยุตฺเต นว (สํขิตฺตํ).

(สหชาตวาโรปิ ปจฺจยวาโรปิ นิสฺสยวาโรปิ สํสฏฺฐวาโรปิ สมฺปยุตฺตวาโรปิ ปฏิจฺจวารสทิสา วิตฺถาเรตพฺพา.)

ปจฺจยจตุกฺกํ

เหตุปจฺจโย

๕๙. เกนจิ วิญฺเญยฺโย กุสโล ธมฺโม เกนจิ วิญฺเญยฺยสฺส กุสลสฺส ธมฺมสฺส เหตุปจฺจเยน ปจฺจโย (สํขิตฺตํ).

๖๐. เหตุยา นว, อารมฺมเณ นว, อธิปติยา นว, อนนฺตเร นว, สมนนฺตเร นว…เป… กมฺเม นว…เป… อวิคเต นว (สํขิตฺตํ).

นเหตุยา นว, นอารมฺมเณ นว (สํขิตฺตํ).

เหตุปจฺจยา นอารมฺมเณ นว (สํขิตฺตํ).

นเหตุปจฺจยา อารมฺมเณ นว (สํขิตฺตํ).

(ยถา กุสลตฺติเก ปญฺหาวารสฺส อนุโลมมฺปิ ปจฺจนียมฺปิ อนุโลมปจฺจนียมฺปิ ปจฺจนียานุโลมมฺปิ คณิตํ, เอวํ คเณตพฺพํ. เกนจิ วิญฺเญยฺยํ อกุสลมฺปิ เกนจิ วิญฺเญยฺยํ อพฺยากตมฺปิ เกนจิ วิญฺเญยฺยกุสลสทิสํ วิตฺถาเรตพฺพํ).

เกนจิวิญฺเญยฺยทุกกุสลตฺติกํ นิฏฺฐิตํ.

จูฬนฺตรทุกํ นิฏฺฐิตํ.