๑-๖. ปฏิจฺจวาราทิ
ปจฺจยจตุกฺกํ
เหตุปจฺจโย
๑๙๗. มคฺคารมฺมณํ นเหตุํ ธมฺมํ ปฏิจฺจ มคฺคารมฺมโณ นเหตุ ธมฺโม อุปฺปชฺชติ เหตุปจฺจยา. มคฺคารมฺมณํ นเหตุํ ธมฺมํ ปฏิจฺจ มคฺคาธิปติ นเหตุ ธมฺโม อุปฺปชฺชติ เหตุปจฺจยา. มคฺคารมฺมณํ นเหตุํ ธมฺมํ ปฏิจฺจ มคฺคารมฺมโณ นเหตุ จ มคฺคาธิปติ นเหตุ จ ธมฺมา อุปฺปชฺชนฺติ เหตุปจฺจยา. (๓)
มคฺคเหตุกํ นเหตุํ ธมฺมํ ปฏิจฺจ มคฺคเหตุโก นเหตุ ธมฺโม อุปฺปชฺชติ เหตุปจฺจยา. มคฺคเหตุกํ นเหตุํ ธมฺมํ ปฏิจฺจ มคฺคาธิปติ นเหตุ ธมฺโม อุปฺปชฺชติ เหตุปจฺจยา. มคฺคเหตุกํ นเหตุํ ธมฺมํ ปฏิจฺจ มคฺคเหตุโก นเหตุ จ มคฺคาธิปติ นเหตุ จ ธมฺมา อุปฺปชฺชนฺติ เหตุปจฺจยา. (๓)
มคฺคาธิปติ นเหตุํ ธมฺมํ ปฏิจฺจ มคฺคาธิปติ นเหตุ ธมฺโม อุปฺปชฺชติ เหตุปจฺจยา. มคฺคาธิปตึ นเหตุํ ธมฺมํ ปฏิจฺจ มคฺคารมฺมโณ นเหตุ ธมฺโม อุปฺปชฺชติ เหตุปจฺจยา. มคฺคาธิปตึ นเหตุํ ธมฺมํ ปฏิจฺจ มคฺคเหตุโก นเหตุ ธมฺโม อุปฺปชฺชติ เหตุปจฺจยา. มคฺคาธิปตึ นเหตุํ ธมฺมํ ปฏิจฺจ มคฺคารมฺมโณ นเหตุ จ มคฺคาธิปติ นเหตุ จ ธมฺมา อุปฺปชฺชนฺติ เหตุปจฺจยา. มคฺคาธิปตึ นเหตุํ ธมฺมํ ปฏิจฺจ มคฺคเหตุโก นเหตุ จ มคฺคาธิปติ นเหตุ จ ธมฺมา อุปฺปชฺชนฺติ เหตุปจฺจยา. (๕)
มคฺคารมฺมณํ นเหตุญฺจ มคฺคาธิปตึ นเหตุญฺจ ธมฺมํ ปฏิจฺจ มคฺคารมฺมโณ นเหตุ ธมฺโม อุปฺปชฺชติ เหตุปจฺจยา. มคฺคารมฺมณํ นเหตุญฺจ มคฺคาธิปตึ นเหตุญฺจ ธมฺมํ ปฏิจฺจ มคฺคาธิปติ นเหตุ ธมฺโม อุปฺปชฺชติ เหตุปจฺจยา. มคฺคารมฺมณํ นเหตุญฺจ มคฺคาธิปตึ นเหตุญฺจ ธมฺมํ ปฏิจฺจ มคฺคารมฺมโณ นเหตุ จ มคฺคาธิปติ นเหตุ จ ธมฺมา อุปฺปชฺชนฺติ เหตุปจฺจยา. (๓)
มคฺคเหตุกํ นเหตุญฺจ มคฺคาธิปตึ นเหตุญฺจ ธมฺมํ ปฏิจฺจ มคฺคเหตุโก นเหตุ ธมฺโม อุปฺปชฺชติ เหตุปจฺจยา. มคฺคเหตุกํ นเหตุญฺจ มคฺคาธิปตึ นเหตุญฺจ ธมฺมํ ปฏิจฺจ มคฺคาธิปตึ นเหตุ ธมฺโม อุปฺปชฺชติ เหตุปจฺจยา. มคฺคเหตุกํ นเหตุญฺจ มคฺคาธิปตึ นเหตุญฺจ ธมฺมํ ปฏิจฺจ มคฺคเหตุโก นเหตุ จ มคฺคาธิปติ นเหตุ จ ธมฺมา อุปฺปชฺชนฺติ เหตุปจฺจยา. (๓) (สํขิตฺตํ.)
๑๙๘. เหตุยา สตฺตรส, อารมฺมเณ สตฺตรส…เป… อวิคเต สตฺตรส (สํขิตฺตํ).
ปจฺจนียํ
นเหตุปจฺจโย
๑๙๙. มคฺคารมฺมณํ นเหตุํ ธมฺมํ ปฏิจฺจ มคฺคารมฺมโณ นเหตุ ธมฺโม อุปฺปชฺชติ นเหตุปจฺจยา. (๑) (สํขิตฺตํ.)
นเหตุยา เอกํ, นอธิปติยา สตฺตรส, นปุเรชาเต สตฺตรส, นปจฺฉาชาเต สตฺตรส, นอาเสวเน นว, นวิปาเก สตฺตรส, นวิปฺปยุตฺเต สตฺตรส (สํขิตฺตํ).
เหตุปจฺจยา นอธิปติยา สตฺตรส (สํขิตฺตํ).
นเหตุปจฺจยา อารมฺมเณ เอกํ (สํขิตฺตํ).
(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํ.)