๗. ปญฺหาวาโร

ปจฺจยจตุกฺกํ

อารมฺมณปจฺจยาทิ

๒๐๐. มคฺคเหตุโก นเหตุ ธมฺโม มคฺคารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโย. มคฺคเหตุโก นเหตุ ธมฺโม มคฺคาธิปติสฺส นเหตุสฺส ธมฺมสฺส อารมฺมณปจฺจเยน ปจฺจโย. มคฺคเหตุโก นเหตุ ธมฺโม มคฺคารมฺมณสฺส นเหตุสฺส จ มคฺคาธิปติสฺส นเหตุสฺส จ ธมฺมสฺส อารมฺมณปจฺจเยน ปจฺจโย. (๓)

มคฺคาธิปติ นเหตุ ธมฺโม มคฺคาธิปติสฺส นเหตุสฺส ธมฺมสฺส อารมฺมณปจฺจเยน ปจฺจโย. มคฺคาธิปติ นเหตุ ธมฺโม มคฺคารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโย. มคฺคาธิปติ นเหตุ ธมฺโม มคฺคารมฺมณสฺส นเหตุสฺส จ มคฺคาธิปติสฺส นเหตุสฺส จ ธมฺมสฺส อารมฺมณปจฺจเยน ปจฺจโย. (๓)

มคฺคเหตุโก นเหตุ จ มคฺคาธิปติ นเหตุ จ ธมฺมา มคฺคารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโย… ตีณิ.

๒๐๑. มคฺคารมฺมโณ นเหตุ ธมฺโม มคฺคารมฺมณสฺส นเหตุสฺส ธมฺมสฺส อธิปติปจฺจเยน ปจฺจโย… ตีณิ.

มคฺคเหตุโก นเหตุ ธมฺโม มคฺคเหตุกสฺส นเหตุสฺส ธมฺมสฺส อธิปติปจฺจเยน ปจฺจโย. มคฺคเหตุโก นเหตุ ธมฺโม มคฺคารมฺมณสฺส นเหตุสฺส ธมฺมสฺส อธิปติปจฺจเยน ปจฺจโย. มคฺคเหตุโก นเหตุ ธมฺโม มคฺคาธิปติสฺส นเหตุสฺส ธมฺมสฺส อธิปติปจฺจเยน ปจฺจโย. มคฺคเหตุโก นเหตุ ธมฺโม มคฺคารมฺมณสฺส นเหตุสฺส จ มคฺคาธิปติสฺส นเหตุสฺส จ ธมฺมสฺส อธิปติปจฺจเยน ปจฺจโย. มคฺคเหตุโก นเหตุ ธมฺโม มคฺคเหตุกสฺส นเหตุสฺส จ มคฺคาธิปติสฺส นเหตุสฺส จ ธมฺมสฺส อธิปติปจฺจเยน ปจฺจโย. (๕)

มคฺคาธิปติ นเหตุ ธมฺโม มคฺคาธิปติสฺส นเหตุสฺส ธมฺมสฺส อธิปติปจฺจเยน ปจฺจโย… ปญฺจ.

มคฺคารมฺมโณ นเหตุ จ มคฺคาธิปติ นเหตุ จ ธมฺมา มคฺคารมฺมณสฺส นเหตุสฺส ธมฺมสฺส อธิปติปจฺจเยน ปจฺจโย… ตีณิ.

มคฺคเหตุโก นเหตุ จ มคฺคาธิปติ นเหตุ จ ธมฺมา มคฺคเหตุกสฺส นเหตุสฺส ธมฺมสฺส อธิปติปจฺจเยน ปจฺจโย… ปญฺจ.

อนนฺตร-อุปนิสฺสยปจฺจยา

๒๐๒. มคฺคารมฺมโณ นเหตุ ธมฺโม มคฺคารมฺมณสฺส นเหตุสฺส ธมฺมสฺส อนนฺตรปจฺจเยน ปจฺจโย. มคฺคารมฺมโณ นเหตุ ธมฺโม มคฺคาธิปติสฺส นเหตุสฺส ธมฺมสฺส อนนฺตรปจฺจเยน ปจฺจโย. มคฺคารมฺมโณ นเหตุ ธมฺโม มคฺคารมฺมณสฺส นเหตุสฺส จ มคฺคาธิปติสฺส นเหตุสฺส จ ธมฺมสฺส อนนฺตรปจฺจเยน ปจฺจโย. (๓)

มคฺคาธิปติ นเหตุ ธมฺโม มคฺคาธิปติสฺส นเหตุสฺส ธมฺมสฺส อนนฺตรปจฺจเยน ปจฺจโย. มคฺคาธิปติ นเหตุ ธมฺโม มคฺคารมฺมณสฺส นเหตุสฺส ธมฺมสฺส อนนฺตรปจฺจเยน ปจฺจโย. มคฺคาธิปติ นเหตุ ธมฺโม มคฺคารมฺมณสฺส นเหตุสฺส จ มคฺคาธิปติสฺส นเหตุสฺส จ ธมฺมสฺส อนนฺตรปจฺจเยน ปจฺจโย. (๓)

มคฺคารมฺมโณ นเหตุ จ มคฺคาธิปติ นเหตุ จ ธมฺมา มคฺคารมฺมณสฺส นเหตุสฺส ธมฺมสฺส อนนฺตรปจฺจเยน ปจฺจโย… ตีณิ…เป….

๒๐๓. มคฺคารมฺมโณ นเหตุ ธมฺโม มคฺคารมฺมณสฺส นเหตุสฺส ธมฺมสฺส อุปนิสฺสยปจฺจเยน ปจฺจโย… ตีณิ.

มคฺคเหตุโก นเหตุ ธมฺโม มคฺคเหตุกสฺส นเหตุสฺส ธมฺมสฺส อุปนิสฺสยปจฺจเยน ปจฺจโย… ปญฺจ.

มคฺคาธิปติ นเหตุ ธมฺโม มคฺคาธิปติสฺส นเหตุสฺส ธมฺมสฺส อุปนิสฺสยปจฺจเยน ปจฺจโย… ปญฺจ.

มคฺคารมฺมโณ นเหตุ จ มคฺคาธิปติ นเหตุ จ ธมฺมา มคฺคารมฺมณสฺส นเหตุสฺส ธมฺมสฺส อุปนิสฺสยปจฺจเยน ปจฺจโย… ตีณิ.

มคฺคเหตุโก นเหตุ จ มคฺคาธิปติ นเหตุ จ ธมฺมา มคฺคเหตุกสฺส นเหตุสฺส ธมฺมสฺส อุปนิสฺสยปจฺจเยน ปจฺจโย… ปญฺจ (สํขิตฺตํ).

๒๐๔. อารมฺมเณ นว, อธิปติยา เอกวีส, อนนฺตเร นว, สมนนฺตเร นว, สหชาเต สตฺตรส, อญฺญมญฺเญ สตฺตรส, นิสฺสเย สตฺตรส, อุปนิสฺสเย เอกวีส…เป… อวิคเต สตฺตรส (สํขิตฺตํ).

นเหตุยา เอกวีส, นอารมฺมเณ สตฺตรส (สํขิตฺตํ).

อารมฺมณปจฺจยา นเหตุยา นว (สํขิตฺตํ).

นเหตุปจฺจยา อารมฺมเณ นว (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)