๑-๗. ปฏิจฺจวาราทิ
ปจฺจยจตุกฺกํ
เหตุปจฺจโย
๑๖๗. ปริตฺตารมฺมณํ เหตุํ ธมฺมํ ปฏิจฺจ ปริตฺตารมฺมโณ เหตุ ธมฺโม อุปฺปชฺชติ เหตุปจฺจยา. (๑)
มหคฺคตารมฺมณํ เหตุํ ธมฺมํ ปฏิจฺจ มหคฺคตารมฺมโณ เหตุ ธมฺโม อุปฺปชฺชติ เหตุปจฺจยา. (๑)
อปฺปมาณารมฺมณํ เหตุํ ธมฺมํ ปฏิจฺจ อปฺปมาณารมฺมโณ เหตุ ธมฺโม อุปฺปชฺชติ เหตุปจฺจยา. (๑) (สํขิตฺตํ.)
เหตุยา ตีณิ, อารมฺมเณ ตีณิ…เป… วิคเต ตีณิ, อวิคเต ตีณิ (สํขิตฺตํ).
นอธิปติยา ตีณิ, นปุเรชาเต ตีณิ, นปจฺฉาชาเต ตีณิ, นอาเสวเน ตีณิ, นวิปาเก ตีณิ, นวิปฺปยุตฺเต ตีณิ (สํขิตฺตํ).
(สหชาตวารมฺปิ …เป… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํ.)
เหตุ-อารมฺมณปจฺจยา
๑๖๘. ปริตฺตารมฺมโณ เหตุ ธมฺโม ปริตฺตารมฺมณสฺส เหตุสฺส ธมฺมสฺส เหตุปจฺจเยน ปจฺจโย. (๑)
มหคฺคตารมฺมโณ เหตุ ธมฺโม มหคฺคตารมฺมณสฺส เหตุสฺส ธมฺมสฺส เหตุปจฺจเยน ปจฺจโย. (๑)
อปฺปมาณารมฺมโณ เหตุ ธมฺโม อปฺปมาณารมฺมณสฺส เหตุสฺส ธมฺมสฺส เหตุปจฺจเยน ปจฺจโย. (๑)
ปริตฺตารมฺมโณ เหตุ ธมฺโม ปริตฺตารมฺมณสฺส เหตุสฺส ธมฺมสฺส อารมฺมณปจฺจเยน ปจฺจโย. ปริตฺตารมฺมโณ เหตุ ธมฺโม มหคฺคตารมฺมณสฺส เหตุสฺส ธมฺมสฺส อารมฺมณปจฺจเยน ปจฺจโย. (๒)
มหคฺคตารมฺมโณ เหตุ ธมฺโม มหคฺคตารมฺมณสฺส เหตุสฺส ธมฺมสฺส อารมฺมณปจฺจเยน ปจฺจโย. มหคฺคตารมฺมโณ เหตุ ธมฺโม ปริตฺตารมฺมณสฺส เหตุสฺส ธมฺมสฺส อารมฺมณปจฺจเยน ปจฺจโย. (๒)
อปฺปมาณารมฺมโณ เหตุ ธมฺโม อปฺปมาณารมฺมณสฺส เหตุสฺส ธมฺมสฺส อารมฺมณปจฺจเยน ปจฺจโย. อปฺปมาณารมฺมโณ เหตุ ธมฺโม ปริตฺตารมฺมณสฺส เหตุสฺส ธมฺมสฺส อารมฺมณปจฺจเยน ปจฺจโย. อปฺปมาณารมฺมโณ เหตุ ธมฺโม มหคฺคตารมฺมณสฺส เหตุสฺส ธมฺมสฺส อารมฺมณปจฺจเยน ปจฺจโย. (๓) (สํขิตฺตํ.)
๑๖๙. เหตุยา ตีณิ, อารมฺมเณ สตฺต, อธิปติยา สตฺต, อนนฺตเร นว, สมนนฺตเร นว, อุปนิสฺสเย นว…เป… อวิคเต ตีณิ (สํขิตฺตํ).
นเหตุยา นว, นอารมฺมเณ นว (สํขิตฺตํ).
เหตุปจฺจยา นอารมฺมเณ ตีณิ (สํขิตฺตํ).
นเหตุปจฺจยา อารมฺมเณ สตฺต (สํขิตฺตํ).
(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)