๑-๗. ปฏิจฺจวาราทิ

ปจฺจยจตุกฺกํ

เหตุปจฺจโย

๑๗๐. ปริตฺตารมฺมณํ นเหตุํ ธมฺมํ ปฏิจฺจ ปริตฺตารมฺมโณ นเหตุ ธมฺโม อุปฺปชฺชติ เหตุปจฺจยา (สํขิตฺตํ).

เหตุยา ตีณิ, อารมฺมเณ ตีณิ, อธิปติยา ตีณิ…เป… อวิคเต ตีณิ (สํขิตฺตํ).

๑๗๑. ปริตฺตารมฺมณํ นเหตุํ ธมฺมํ ปฏิจฺจ ปริตฺตารมฺมโณ นเหตุ ธมฺโม อุปฺปชฺชติ นเหตุปจฺจยา (สํขิตฺตํ).

นเหตุยา ตีณิ, นอธิปติยา ตีณิ…เป… นวิปฺปยุตฺเต ตีณิ (สํขิตฺตํ).

เหตุปจฺจยา นอธิปติยา ตีณิ (สํขิตฺตํ).

นเหตุปจฺจยา อารมฺมเณ ตีณิ (สํขิตฺตํ).

(สหชาตวารมฺปิ…เป… สมฺปยุตฺตวารมฺปิ ปฏิจฺจวารสทิสํ วิตฺถาเรตพฺพํ.)

อารมฺมณ-อธิปติปจฺจยา

๑๗๒. ปริตฺตารมฺมโณ นเหตุ ธมฺโม ปริตฺตารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโย. ปริตฺตารมฺมโณ นเหตุ ธมฺโม มหคฺคตารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโย. (๒)

มหคฺคตารมฺมโณ นเหตุ ธมฺโม มหคฺคตารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโย. มหคฺคตารมฺมโณ นเหตุ ธมฺโม ปริตฺตารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโย. (๒)

อปฺปมาณารมฺมโณ นเหตุ ธมฺโม อปฺปมาณารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโย. อปฺปมาณารมฺมโณ นเหตุ ธมฺโม ปริตฺตารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโย. อปฺปมาณารมฺมโณ นเหตุ ธมฺโม มหคฺคตารมฺมณสฺส นเหตุสฺส ธมฺมสฺส อารมฺมณปจฺจเยน ปจฺจโย. (๓)

ปริตฺตารมฺมโณ นเหตุ ธมฺโม ปริตฺตารมฺมณสฺส นเหตุสฺส ธมฺมสฺส อธิปติปจฺจเยน ปจฺจโย (สํขิตฺตํ).

๑๗๓. อารมฺมเณ สตฺต, อธิปติยา สตฺต, อนนฺตเร นว, สมนนฺตเร นว, อุปนิสฺสเย นว…เป… อวิคเต ตีณิ (สํขิตฺตํ).

นเหตุยา นว, นอารมฺมเณ นว (สํขิตฺตํ).

อารมฺมณปจฺจยา นเหตุยา สตฺต (สํขิตฺตํ).

นเหตุปจฺจยา อารมฺมเณ สตฺต (สํขิตฺตํ).

(ยถา กุสลตฺติเก ปญฺหาวารํ, เอวํ วิตฺถาเรตพฺพํ.)